ۋكراينا پرەزيدەنتى ۆلاديمير زەلەنسكيي ەلدىڭ باس پروكۋرورى ەتىپ اندرەي كوستيندى تاعايىندادى، دەپ جازادى depo.ua پورتالى.
بۇعان دەيىن اندرەي كوستين جوعارعى رادا قۇقىقتىق ساياسات كوميتەتىنىڭ باسشىسى قىزمەتىن اتقارعان، پارلامەنتتە سوت رەفورماسىنا جاۋاپ بەرگەن.
ۋكراينانىڭ جوعارعى راداسىنىڭ 299 دەپۋتاتى اندرەي كوستيننىڭ كانديداتۋراسىن قولدادى.
بۇعان دەيىن ۆلاديمير زەلەنسكيي ەلدەگى قاۋىپسىزدىك قىزمەتى باسشىسى مەن باس پروكۋروردى ۆەدومستۆولارداعى مەملەكەتتىك وپاسىزدىق دەرەكتەرى جيىلەپ كەتۋىنە بايلانىستى قىزمەتىنەن قۋعان.
زەلەنسكييدىڭ سوزىنشە، بۇرىنعى 60-تان استام قىزمەتكەر رەسەي باسىپ العان جەرلەردە ۋكرايناعا قارسى جۇمىس ىستەگەن. قازىرگى ۋاقىتتا اۋىزجالاستى، مەملەكەتكە وپاسىزدىق جاسادى دەگەن كۇدىكپەن قۇقىققورعاۋ ورگانى قىزمەتكەرلەرىنىڭ ۇستىنەن 651 ءىس قوزعالعان.
پىكىر قالدىرۋ