27 شىلدەدە حالىقارالىق تۇركى اكادەمياسىنىڭ پرەزيدەنتى دارحان ءقىدىرالى موڭعوليانىڭ قازاقستان رەسپۋبليكاسىنداعى توتەنشە جانە وكىلەتتى ەلشىcءى دورجيين ءبايارحۇۇ مىرزامەن كەزدەستى. بۇل تۋرالى اكادەميانىڭ باسپا ءسوز قىزمەتى حابارلادى.
موڭعوليانىڭ قازاقستانداعى ەلشىلىگىندە وتكەن كەزدەسۋدە تاراپتار عىلىمي ىنتىماقتاستىق باعىتىنداعى اتقارىلىپ جاتقان جۇمىستار جايىن تالقىلاپ، الداعى ۋاقىتتا اكادەميانىڭ موڭعوليا اۋماعىندا جوسپارلاعان ارحەولوگيالىق قازبا جۇمىستارى بويىنشا پىكىر الماسقان.
"ەلشى دورجيين ءبايارحۇۇ حالىقارالىق تۇركى اكادەمياسىنىڭ باۋىرلاس ەلدەر اراسىنداعى بايلانىستى جانە عىلىمي ينتەگراسيانى نىعايتۋعا باعىتتالعان بارلىق باستامالارىنا موڭعوليا تاراپىنان تۇراقتى قولداۋ جالعاسا بەرەتىنىن جەتكىزدى. كەزدەسۋ سوڭىندا اكادەميا باسشىسى د. ءقىدىرادى ەلشى مىرزانىڭ قابىلداۋىنا ريزاشىلىعىن ءبىلدىرىپ، تۇركى اكادەمياسى ازىرلەگەن ءبىرقاتار عىلىمي باسىلىمداردى تارتۋ ەتتى" دەلىنگەن اقپاراتتىق حابارلامادا.
پىكىر قالدىرۋ