الماتىدا ءماجىلىس دەپۋتاتى ۆاكيل نابييەۆ ك. قوجامياروۆا اتىنداعى مەملەكەتتىك رەسپۋبليكالىق اكادەميالىق ۇيعىر مۋزىكالىق كومەديا تەاترىنىڭ باسشىلىعىمەن جانە شىعارماشىلىق ۇجىمىمەن كەزدەسۋ وتكىزدى. بۇل تۋرالى الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى حابارلادى.
كەزدەسۋ بارىسىندا ماجىلىسمەن الداعى رەفەرەندۋمنىڭ وتكىزىلەتىنى تۋرالى ءتۇسىندىردى. كونستيتۋسيالىق رەفورمالار، جالپى داۋىس بەرۋ ارقىلى ەنگىزىلەتىن جانە قابىلداناتىن تۇزەتۋلەردىڭ ءمانى تۋرالى ەگجەي-تەگجەيلى ايتىپ بەردى.
– قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ "كونستيتۋسيالىق تۇزەتۋلەر جوباسى بويىنشا ازاماتتاردىڭ جالپى داۋىس بەرۋى ءبىزدىڭ دەموكراتيالىق قاعيداتتارعا بەرىك ۇستانىمىمىزدى كورسەتەدى. الداعى رەفەرەندۋم ءاربىر ازاماتتىڭ قازاقستاننىڭ بولاشاعىن ايقىندايتىن تاريحي وقيعاعا تىكەلەي قاتىسۋىنا مۇمكىندىك بەرەدى، دەدى ۆاكيل نابييەۆ ءوز سوزىندە.
جيىندا شىعارماشىلىق زيالى قاۋىم وكىلدەرى وزدەرىن تولعاندىرعان سۇراقتارىن قويىپ، الماتى قالاسىنىڭ مادەنيەتىن دامىتۋ ءۇشىن ءوز يدەيالارىن ۇسىنا الدى.
كەزدەسۋ سوڭىندا تەاتر بويىنشا ەكسكۋرسيا وتكىزىلدى، ونىڭ بارىسىندا قوناقتار مەكەمەنىڭ جۇمىس پروسەسىمەن ەگجەي-تەگجەيلى تانىستى. ق.قوجامياروۆ اتىنداعى ۇيعىر مۋزىكالىق كومەديا تەاترى ديرەكتورىنىڭ مىندەتىن اتقارۋشى ق ر ەڭبەك سىڭىرگەن قايراتكەرى ءدىلمۇرات باحاروۆ جانە قازكسر ەڭبەك سىڭىرگەن ءارتىسى، ۇيعىر تەاترىنىڭ كوركەمدىك جەتەكشىسى مۇرات احمادييەۆ كونستيتۋسيالىق رەفورمالاردى جانە مادەنيەت سالاسىن ودان ءارى دامىتۋ ماسەلەلەرىن تالقىلاۋدا بەلسەندى ءسوز سويلەدى.
پىكىر قالدىرۋ