ەكس-پرەزيدەنت نۇرسۇلتان نازاربايەۆقا تيەسىلى قايىرىمدىلىق قور جۋرناليستىك زەرتتەۋمەن اينالىساتىن Journalism Development Network باسىلىمىن جالا جاپتى دەپ سوتقا بەرگەن. بۇل تۋرالى قازاقستاندىق جۋرناليست دميتريي شيشكين ءمالىم ەتتى زاڭگەرلەر مەن باق-قا ارنالعان امەريكالىق جالپىۇلتتىق Courthouse News Service قىزمەتىڭ اقپاراتىن ءبولىسىپ.قام
نازاربايەۆ قورى باسىلىم جاريالاعان بۇرىنعى پرەزيدەنتتىڭ ميللياردتاعان بايلىعى تۋرالى زەرتتەۋى نازاربايەۆتىڭ ىسكەرلىك بەدەلىنە نۇقسان كەلتىرەدى دەپ مالىمدەگەن.
باسىلىم اقپاراتىنشا، قورعا ۆاشينگتونداعى Boies Schiller Flexner زاڭ فيرماسىنىڭ مەتيۋ ل. شۆارس ەسىمدى ادۆوكاتى وكىلدىك ەتكەن.
مەتيۋ ل. شۆارس شاعىمىندا قور نازاربايەۆ ۋنيۆەرسيتەتى مەن نازاربايەۆ زياتكەرلىك مەكتەبىن، ورتاازيالىق ەل (قازاقستان - رەد) ءۇشىن باتىستا مامان دايارلاۋدى قارجىلاي قولداۋ ءۇشىن قۇرىلعانىن ايتادى
Journalism Development Network ديرەكتورى دريۋ سالليۆان شاعىم تۇسىرەتىندەي ەش نەگىز جوق، جەمقورلىق پەن ۇيىمداسقان قىلمىستى زەرتتەۋ ورتالىعى مۇنى راستايدى دەپ وتىر.
شاعىمعا سەبەپ بولعان زەرتتەۋ بيىلعى 19 قاڭتاردا جاريالانعان. زەرتتەۋدە نازاربايەۆقا تيەسىلى قورلار قىمبات وتەل، جەكە ۇشاق، گولف الاڭى، ساۋدا ورتالىقتارى، تەلەارنالار مەن بانكتەردى يەلەنىپ وتىرعانى جازىلعان. OCCRP نازاربايەۆ قورىنا تيەسىلى اكتيۆتەردە كەمى 7،8 ملرد دوللار بار دەپ باعالاعان.
زەرتتەۋدە نازاربايەۆ قۇرعان "قازاقستاننىڭ ءبىرىنشى پرەزيدەنتى – ەلباسى" قورى (2021 جىلى جابىلعان)، "نازاربايەۆ قورى"، "نۇرسۇلتان نازاربايەۆ قورى"، "دەمەۋ قورى" جانە "ەلباسى" (2021 جىلى اشىلعان) قورى جايلى ايتىلادى.
پىكىر قالدىرۋ