ۋكرايناعا قارسى سوعىسقا بارۋدان باس تارتقان سارباز لۋگانسك وبلىسىنداعى جەرتولەگە قامالىپ، تاۋلىكتەن استام ۋاقىت ازاپتالعان، دەپ جازادى The Insider باسىلىمى.
ءاتى-جونىن ايتۋدان باس تارتقان سارباز ءوزىنىڭ قانداي ازاپ كورگەنىن ايتىپ بەرگەن. ونى 27 ساعات بويى قورقىتىپ، قوقان-لوقى جاساعان. سونداي-اق وعان اس-سۋ بەرمەگەن، دارەتحاناعا دا جىبەرمەگەن. بىرنەشە رەت ۇرىپ-سوعىپ، ونى مايدانعا اتتانۋعا ماجبۇرلەيدى.
ناتيجەسىندە، ازاپتالعان سارباز مايدان شەبىنە اتتانادى. كەيىن سوعىس كەزىندە جاراقات العاننان كەيىن رەسەيگە قايتا ورالادى. ەندى ول ازاپتاۋ فاكتىلەرى بويىنشا تەرگەۋ كوميتەتىنە ارىز جازباقشى.
بۇعان دەيىن شىلدە ايىنىڭ سوڭىندا سوعىسۋدان باس تارتقان ورىس جاۋىنگەرلەرىن لۋگانسك وبلىسى بريانسك قالاسىنىڭ اۋماعىندا زاڭسىز ۇستاپ جاتقانى تۋرالى اقپارات تاراعان.
پىكىر قالدىرۋ