سىبايلاس جەمقورلىققا قارسى ءىس-قيمىل اگەنتتىگى "قازاقستان تەمىر جولى" ۇك» اق قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ باستالعانى تۋرالى حابارلادى.

تالداۋدى اگەنتتىكتىڭ، ۇلتتىق كومپانيانىڭ، مۇددەلى مەملەكەتتىك ورگانداردىڭ ماماندارى جانە ازاماتتىق قوعام وكىلدەرى جۇرگىزبەك.

"تالداۋ بارىسىندا تەمىر جول سالاسىندا سىبايلاس جەمقورلىق قۇقىق بۇزۋشىلىقتاردىڭ جاسالۋ سەبەپتەرى مەن جاعدايلارى زەردەلەنەتىن بولادى، بۇل – ۇلتتىق وپەراتور قىزمەتىنىڭ تيىمدىلىگىنە، بۇرىن مەملەكەتتىك بيۋدجەتتەن جانە ۇلتتىق قوردان الىنعان قاراجاتتىڭ جۇمسالۋىنا اسەر ەتەدى. سىبايلاس جەمقورلىق تاۋەكەلدەرى تۋرالى اقپارات جانە تالدانىپ وتىرعان سالانى جەتىلدىرۋ بويىنشا ۇسىنىستار بولعان جاعدايدا، abdrakhmanov.n@antikor.gov.kz ەلەكتروندىق پوشتاعا جىبەرۋدى سۇرايمىز. ەگەر سىزگە سىبايلاس جەمقورلىق فاكتىلەرى نەمەسە دايىندالىپ جاتقان قىلمىستار تۋرالى بەلگىلى بولسا، 1424 سىبايلاس جەمقورلىققا قارسى قىزمەتىنىڭ Call-ورتالىعىنا 24/7 رەجيمىندە حابارلاي الاسىز" دەلىنگەن انتيكور اقپاراتىندا.