اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆا بۇگىن باستالعان سوت وتىرىسىندا وزىنە تاعىلعان ايىپتى مويىندامادى.
Atpress.kz باسىلىمىنىڭ مالىمەتىنشە، سوت وتىرىسىندا باقىتگۇل حامەنوۆانىڭ سىبايلاسى دەلىنگەن اتىراۋ وبلىستىق مادەنيەت، ارحيۆتەر جانە قۇجاتتاما باسقارماسىنىڭ ەكس-باسشىسى اقىلبەك رىسقالييەۆ "مەن دەلدالدىق قىزمەت قانا اتقاردىم" دەگەن.
باقىتگۇل حامەنوۆانىڭ ادۆوكاتى ي.ۆرانچيەۆ قورعاۋىنداعى ايىپتالۋشىنىڭ وتباسىلىق جاعدايى مەن دەنساۋلىعىنىڭ ناشار ەكەنىن اتاپ ءوتىپ، سوتتان بۇلتارتپاۋ شاراسىن ۋاقىتشا قاماۋ يزولياتورىنان ءۇي قاماققا اۋىستىرۋدى سۇرادى.
باقىتگۇل حامەنوۆاعا قاتىستى قىلمىستىق ءىس قازاقستان رەسپۋبليكاسى قىلمىستىق كودەكسىنىڭ 366-بابى (اسا ءىرى مولشەردە پارا الۋ) 2-بولىگى بويىنشا تەرگەلىپ جاتىر.
پىكىر قالدىرۋ