وقۋ-اعارتۋ مينيسترلىگى اپپاراتىنىڭ وتىرىسىندا وقۋ جىلىن ەكى اپتاعا ۇزارتۋ ماسەلەسى ماقۇلداندى. ەندى تەك بۇيرىقتى ادىلەت مينيسترلىگىندە تىركەۋ عانا قالدى.

بۇيرىققا ساي، وقۋ جىلىنىڭ ۇزاقتىعى 1-سىنىپتاردا – 35 وقۋ اپتاسىنان (ءقازىر 33 اپتا)، 2-11 (12)-سىنىپتاردا 36 وقۋ اپتاسىنان (ءقازىر 34 اپتا) تۇرادى.

1-11 (12) – سىنىپتاردا: كۇزگى كانيكۋل – 7 كۇندى (31 قازان – 6 قاراشا ارالىعى)، قىسقى – 9 كۇن (31 جەلتوقسان مەن 8 قاڭتار ارالىعى)، كوكتەمگى – 9 كۇندى ( 18-26 ناۋرىز ارالىعى) قۇرايدى

1-سىنىپتار قوسىمشا 7 كۇن (2023 جىلعى 6-12 اقپان ارالىعىندا) دەمالادى.

ول بويىنشا وقۋ جىلى ادەتتەگىدەي 1 قىركۇيەكتە باستالىپ، 31 مامىردا اياقتالادى. 1 ماۋسىمنان بالالار كانيكۋلعا شىعادى.

مينيسترلىك قوسىمشا ەكى وقۋ اپتاسىن قوسۋ ارقىلى وقۋ جىلىنىڭ ۇزاقتىعىن ۇلعايتۋ ءبىر كۇندەگى ساباقتار سانىن قىسقارتۋعا، بەس كۇندىك وقۋ اپتاسىن ىسكە اسىرۋعا، "كۇردەلى" تاقىرىپتاردى زەردەلەۋ قارقىندىلىعىن تومەندەتۋگە، ءبىلىم بەرۋ پروسەسىن دامىتا وقىتۋ قاعيداتتارىندا ۇيىمداستىرۋعا مۇمكىندىك بەرەدى دەپ سانايدى.