بيىل وقۋ-اعارتۋ ءمينيسترىنىڭ ءبىلىم بەرۋ ىسىندەگى مەملەكەتتىك ستاندارت جونىندەگى بۇيرىعىنا ساي، مەكتەپتەردە سىنىپتار توپقا بولىنبەيتىندىكتەن، كوپتەگەن پەداگوگتارعا سۇرانىس بولمايىن دەپ تۇر.
قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعى جاڭاشىلدىق سالدارىنان مىڭداعان دەنەشىنىقتىرۋ ءپانى مۇعالىمدەرى كەرەكسىز بولماي قالۋى مۇمكىن ەكەنىن ايتادى.
"ەندى دەنە شىنىقتىرۋ ساباعىندا سىنىپتى توپقا بولۋگە بولمايدى. بۇل قىزمەتكەرلەردىڭ قىسقارۋىنا اكەلىپ سوعادى. مىڭداعان دەنە شىنىقتىرۋ مۇعالىمدەرى جۇمىسسىز قالۋى مۇمكىن. كاسىپوداق وقۋ-اعارتۋ مينيسترلىگىنە قىسقا مەرزىمدە جاعدايدى رەتتەۋ تۋرالى شۇعىل ۇسىنىسىن ءبىلدىردى. بىزگە ەڭبەككەرلەردىڭ قۇقىعىن قورعاۋدا زاڭدا كوزدەلگەن وزگە تاسىلدەرگە جۇگىنۋ قاجەتى بولمايدى دەپ ۇمىتتەنەمىز" دەلىنگەن كاسىپوداق حابارلاماسىندا.
توپقا ءبولۋ ءار مەكتەپتە ءارقالاي جۇرگەن. قازاق ءتىلى، اعىلشىن، ورىس ءتىلى، ينفورماتيكا، دەنە شىنىقتىرۋ پاندەرى توپقا ءبولىپ وتىلەتىن ساباقتاردىڭ قاتارىندا بولعان.
پىكىر قالدىرۋ