ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ قاڭتار وقيعالارى بويىنشا قوزعالعان قىلمىستىق ىستەردىڭ قانشاسى اياقتالعانىن ايتتى.

سانجار ءادىلوۆتىڭ سوزىنشە، وسى ۋاقىتقا دەيىن 4 642 قىلمىستىق ءىس قوزعالعان.

"971 ءىستىڭ ءوندىرىسى اياقتالدى، ونىڭ ىشىندە 609 ايىپتالۋشىعا قاتىستى ءىس سوتتارعا جولداندى.  سوت قاراۋلارىنىڭ ناتيجەلەرى بويىنشا 539 ايىپتالۋشىعا ۇكىم شىقتى، ولاردىڭ 425ء-ى باس بوستاندىعىن شەكتەۋگە جانە تەك 104ء-ى عانا اۋىر جانە اسا اۋىر قىلمىستار جاساعانى ءۇشىن باس بوستاندىعىنان ايىرۋعا سوتتالدى" دەدى سانجار ءادىلوۆ ورتالىق كوممۋنيكاسيالار قىزمەتىندە وتكەن بريفينگتە.

سپيكەردىڭ دەرەگىنشە، ءقازىر پوليسيا تەرگەۋشىلەرىنىڭ وندىرىسىندە 276 ءىس قارالىپ جاتىر. ونىڭ ىشىندە قارۋدى زاڭسىز ساقتاۋ بويىنشا 50، كىسى ءولتىرۋ – 33، بيلىكتى اسىرا پايدالانۋ – 40، ۇرلىق – 16، بۇزاقىلىق – 4 جانە تاعى باسقا قىلمىستار بار.