قازاقستاندا جىل باسىنان بەرگى جەتى ايدا 356 كىسى ءولتىرۋ، 181 ادام ولتىرۋگە وقتالۋ دەرەگى تىركەلگەن. بۇل بىلتىرعى سايكەس كەزەڭگە قاراعاندا ايتارلىقتاي كوپ، دەپ جازادى Ranking.kz سايتى.
بۇدان بولەك جەتى ايدا اناسى جاڭا تۋعان ءسابيىن ولتىرگەن 4 جاعداي، ءوزىن قورعاۋ كەزىندە كىسى ءولتىرىپ قويعان 5 جاعداي، ابايسىزداعى ادام ولىمىنە سوقتىرعان 28 جاعداي، ءوزىن ولتىرۋگە دەيىن جەتكىزگەن 858 جاعداي تىركەلگەن.
ايماقتىق بولىنىسكە كەلسەك، ەڭ كوپ قۇقىقبۇزۋشىلىق الماتىدا بايقالىپ وتىر. ەلدەگى ەڭ ءىرى قالادا جەتى ايدا 160 كىسى ءولتىرۋ مەن قاستاندىق جاعدايلارى تىركەلگەن. بۇل بىلتىرعى سايكەس كەزەڭنەن 4،2 ەسەگە كوپ. ەكىنشى، ءۇشىنشى ساتىدا الماتى (49) مەن شىعىس قازاقستان وبلىستارى (48) تۇر.
ەل بويىنشا كىسى ءولتىرۋ قىلمىسىن اشۋ كورسەتكىشى 93،9 پايىزدى قۇراعان. جامبىل، اقتوبە، باتىس قازاقستان، ماڭعىستاۋ وبلىستارىندا جاسالعان قىلمىستاردىڭ بارلىعى اشىلعان. تومەنگى كورسەتكىش الماتىعا تيەسىلى. الماتىدا كىسى ءولتىرۋ قىلمىستارىنىڭ 76،9 پايىزى اشىلعان.
پىكىر قالدىرۋ