ۇزىندىعى 66 شاقىرىم بولاتىن ۇلكەن الماتى اينالما اۆتوجولىنىڭ (ءۇاااج) قۇرىلىسى 2024 جىلدىڭ اياعىندا اياقتالادى دەپ جوسپارلانعان. بۇل تۋرالىتۇرىك-كورەي كونسورسيۋمى – "ءۇاااج ينۆەستيسيالار جانە وپەراسيالار" ج ش س حابارلادى، دەپ جازادى الماتى اقشامى گازەتىنىڭ سايتى.
"قۇرىلىس جۇمىستارىن مەرزىمىنەن بۇرىن اياقتاۋ جوسپاردا بار، ءبىراق بۇل ماسەلە جول جامىلعىسىنىڭ قۇرىلىسىندا ماڭىزدى ءرول اتقاراتىن اۋا رايى جاعدايىنا بايلانىستى. بۇگىندە جۇمىس 75 پايىزعا اياقتالعان. ءۇاااج قۇرىلىسى جۇمىستارى اياقتالعاننان كەيىن قوزعالىس اشىلادى"، دەدى "ءۇاااج ينۆەستيسيالار جانە وپەراسيالار" وكىلدەرى.
ءۇاااج جوباسى اياسىندا الماتى-بىشكەك، الماتى-شامالعان، كومسومول-جاپەك باتىر، الماتى-قونايەۆ، الماتى-ەسىك، الماتى-تالعار اۆتوموبيل جولدارىمەن قيىلىستاردا ەكى دەڭگەيدەگى 6 جولايرىق جانە ءۇاااج-دىڭ الماتى-قاسكەلەڭ اۆتوجولىمەن (جاندوسوۆ كوشەسى) تۇيىسكەن جەرىندە ءبىر اينالما جول سالىنىپ جاتىر.
"كورسەتىلگەن جولايرىقتاردىڭ ىشىندە الماتى-قاسكەلەڭ اينالما جولىندا، سونداي-اق ەكى دەڭگەيلى ءۇش جولايرىقتا: الماتى-قونايەۆ، الماتى-ەسىك، الماتى-تالعار جولايرىعىندا اسفالتبەتون جابىنىن توسەۋ جۇمىستارى اياقتالدى. سونداي-اق ەكى دەڭگەيلى ءۇش جولايرىقتا: الماتى-قونايەۆ، الماتى-ەسىك، الماتى-تالعار، سونىمەن قاتار الماتى-بىشكەك، الماتى-شامالعان، كومسومول-جاپەك باتىر جولايرىقتارىندا جول وتكەلدەرىن سالۋ جۇمىستارى تولىعىمەن اياقتالدى، ەندى جول وتپەلەرىن ۇيىمداستىرۋ جۇمىستارى جۇرگىزىلىپ جاتىر" دەدى باس مەردىگەر.
پىكىر قالدىرۋ