سىبايلاس جەمقورلىققا قارسى قىزمەت قايرات ساتىبالدىۇلىنا جانە باسقا دا تۇلعالارعا قاتىستى "قازاقتەلەكوم" اق مەن "كولىكتىك سەرۆيس ورتالىعى" اق قاراجاتىن اسا ءىرى كولەمدە ۇرلاۋ فاكتىلەرى بويىنشا سوتقا دەيىنگى تەرگەۋدى اياقتاعانىن حابارلادى.
انتيكور اقپاراتىنشا، ءىس اياسىندا بەس كۇدىكتى تەرگەلىپ جاتىر.
"تەرگەۋ بارىسىندا زاڭسىز ساتىپ الىنعان اكتيۆتەر مەن ايىپتالۋشىلاردىڭ جالپى سوماسى 240 ميلليارد تەڭگەدەن استام نەمەسە 500 ميلليون اقش دوللارىنان استام اقشالاي قاراجاتى مەملەكەتكە قايتارىلدى. ساتىبالدىۇلىنا قاتىستى سالىق پەن كەدەندىك تولەمدەردى تولەۋدەن جالتارۋ، قىلمىستىق كىرىستەردى زاڭداستىرۋ فاكتىلەرى بويىنشا قىلمىستىق ىستەر قوسىمشا تەرگەلۋدە. ايىپتالۋشىلاردىڭ باسقا دا زاڭسىز اكتيۆتەرىن ىزدەۋ بەلسەندى تۇردە جالعاسۋدا. ەلدە جانە شەتەلدە قوسىمشا جىلجىمايتىن مۇلىك، اۆتوموبيلدەر جانە جالپى سوماسى 400 ميلليارد تەڭگەدەن استام نەمەسە 900 ميلليون اقش دوللارىنان استام اقشالاي قاراجات ورناتىلىپ، جاقىن ارادا مەملەكەتكە قايتارىلاتىن بولادى" دەلىنگەن انتيكور اقپاراتىندا.
ەكس-پرەزيدەنت نۇرسۇلتان نازاربايەۆتىڭ جيەن-نەمەرەسى قايرات ساتىبالدى 13 ناۋرىز كۇنى قاماۋعا الىنعان. ول "قازاقتەلەكوم" اق-تىڭ قارجىسىن جىمقىردى دەپ ايىپتالىپ وتىر. ول ەلدەگى باي ادامداردىڭ ءبىرى. كەزىندە ۇلتتىق قاۋىپسىزدىك كوميتەتىندە، "Kazakh Oil"، "قازاقستان تەمىر جولى" ۇلتتىق كومپانيالارىندا لاۋازىمدى قىزمەتتەر اتقارعان. "Kaspi.kz" اكسيونەرلىك قوعامىنىڭ نەگىزگى اكسيونەرى بولعان. ءدىني ورتالاردا ىقپالدى ادام سانالادى. ول يسلام ءدىنى ءسالافيزم اعىمىنىڭ قازاقستانداعى بەلدى وكىلى دەگەن بەيرەسمي اقپارات بار.
پىكىر قالدىرۋ