ءماجىلىس دەپۋتاتتارى، «AMANAT» پارتياسىنىڭ مۇشەلەرى ءسالىمجان ناقپايەۆ پەن نۇرلىبەك وجايەۆ اتىراۋ وبلىسىنا ساپار بارىسىندا «ەمبىمۇنايگاز» ەڭبەك ۇجىمىمەن كەزدەستى.

مۇناي سالاسى اتىراۋ وبلىسى ءۇشىن ۇلكەن مانگە يە. سوندىقتان ماجىلىسمەندەر پارلامەنتتە اتقارىلعان جۇمىستار تۋرالى ايتىپ، مۇناي سالاسىنا قاتىستى جالپى جۇمىستاردىڭ باعىتىمەن تانىستى.

جيىندا اتىراۋ وبلىسى ءۇشىن ماڭىزدى تاقىرىپتىڭ بىرىنە اينالعان «اتىراۋ استراحان» تاس جولىنداعى كۇردەلى جوندەۋ جۇمىستارى تۋرالى ايتىپ، ماسەلەلەر كوتەرىلدى. سونىمەن قاتار وڭىردەگى «يندەر-قاراباۋ» تاس جولىنىڭ وبلىس تۇرعىندارى ءۇشىن دە، تاسىمال ءۇشىن دە ماڭىزدى ەكەنى ايتىلىپ، ۋاقىتىلى ءبىتىرۋدىڭ ماڭىزدى ەكەنى ايتىلدى.

«بۇل جول جوسپار بويىنشا بىرنەشە جىلعا سوزىلادى. ول بار بولعانى 80 شاقىرىم. بيىل قارجى ءبولىپ، قالعانىن كەلەسى جىلعا قالدىرىپ، ۋاقىت سوزىپ جۇرگەندە جاسالعان جولدىڭ توزىپ كەتۋى دە مۇمكىن»، – دەدى س.ناقپايەۆ.

سوندىقتان دەپۋتات الەۋمەتتىك ماڭىزى بار ماسەلەلەردىڭ ورىندالۋ بارىسى دا قاشان دا ۇلكەن مانگە يە ەكەنىنە توقتالدى. وتىرىستا ەكولوگيالىق احۋال ماسەلەسى تالقىلاندى.

وسى كۇنى ءماجىلىس دەپۋتاتى ءنازيلا راززاق جامبىل وبلىسىنىڭ سارىكەمەر اۋىلىنداعى اۋىز سۋ قۇبىرىنىڭ قۇرىلىسىمەن تانىسىپ، قۇبىر جەلىلەرىن جانە سۋ قابىلداۋ عيماراتتارىنىڭ قۇرىلىسىن جۇرگىزگەن «ينتەللەكت ازيا» ۇجىم وكىلدەرىمەن كەزدەستى. 

ايتا كەتۋ كەرەك، سۋ قۇبىرى «AMANAT» پارتياسىنىڭ 2021-2025 جىلدارعا ارنالعان سايلاۋالدى باعدارلامانى ىسكە اسىرۋ جونىندەگى جول كارتاسى اياسىندا پايدالانۋعا بەرىلىپ وتىر.

– مەملەكەت باسشىسى قوعامدى تولعاندىرعان الەۋمەتتىك-ەكونوميكالىق پروبلەمالاردى شەشۋ جونىندەگى ءبىرقاتار مىندەتتەردى اتاپ وتكەن بولاتىن. ونىڭ ىشىندە باعانىڭ ءوسۋى، تاۋارلاردىڭ جەكەلەگەن تۇرلەرىن جەتكىزۋدەگى بوگەلىستەر، ازىق-تۇلىك قاۋىپسىزدىگى، حالىق تابىسىنىڭ تومەندەۋى، سونداي-اق ەلدى مەكەندەردى تازا اۋىز سۋمەن قامتاماسىز ەتۋ سىندى ماسەلەلەر بار، – دەدى ءماجىلىس دەپۋتاتى.  

«اۋدان ورتالىعى سانالاتىن سارىكەمەر اۋىلىنىڭ وزىندە قازىرگى كەزدە 30 مىڭنان استام حالىق تۇرادى. وتكەن جىلدىڭ جەلتوقسان ايىندا ءۇش جىل مەرزىمگە سوزىلعان سۋ قابىلداۋ نىسانى جانە سۋ قۇبىرى جەلىلەرىنىڭ قۇرىلىسى اياقتالىپ، سارىكەمەر اۋىلدىق وكرۋگى تۇرعىندارىنىڭ يگىلىگىنە ۇسىنىلدى. ءبىراق اۋىز سۋ ماسەلەسى وسىمەن شەشىلدى جانە دە ءوز دارەجەسىندە دەي المايمىز»، – دەيدى اۋىل تۇرعىندارى.

ءوز كەزەگىندە دەپۋتات اتالعان ماسەلەلەر جەرگىلىكتى اتقارۋشى، قاداعالاۋشى مەملەكەتتىك ورگاندار مەن دەپۋتاتتار تاراپىنان دا ەرەكشە نازارىندا بولاتىنىن ايتتى.

ءماجىلىستىڭ باسپا ءسوز قىزمەتى