ۇلتتىق قاۋىپسىزدىك كوميتەتى الماتى وبلىسى كەگەن اۋدانىنداعى ىلە الاتاۋى جوتاسىنىڭ تاۋلى شاتقالدارىنىڭ بىرىنەن مەملەكەتتىك شەكارانى بۇزىپ وتكەن شەتەل ازاماتى ۇستالعانىن حابارلادى.
كوميتەت مالىمەتىنشە، شەكارا ناريادىنىڭ توقتا جانە قۇجاتىڭدى كورسەت دەگەن تالابىن ەستىگەن شەكارا بۇزۋشى ءوزىنىڭ اڭشى قارۋىمەن اسكەري قىزمەتشىلەرگە قاراي وق اتىپ، قارسىلىق كورسەتكەن جانە ءىزىن سۋىتۋعا تىرىسقان.
"ۇستالعان ادامعا قاتىستى قىلمىستىق ءىس قوزعالدى. شەكاراشىلاردىڭ ءومىرى مەن دەنساۋلىعىنا زيان كەلمەدى، ولار شەكارانىڭ تاۋلى ۋچاسكەسىن كۇزەتۋ بويىنشا قىزمەتتەرىن جالعاستىردى. اسكەري قىزمەتشىلەردىڭ ۇستاۋ كەزىندە كورسەتكەن ەرجۇرەكتىگى مەن باتىلدىعىن ەسكەرە وتىرىپ، ولاردى كوتەرمەلەۋ ماسەلەسى قارالۋدا" دەلىنگەن ۇقك اقپاراتىندا.
پىكىر قالدىرۋ