ىشكى ىستەر مينيسترلىگى تەرگەۋ دەپارتامەنتىنىڭ باسقارما باسشىسى ەرمەك شۇلدەن ورماندى قاساقانا جويۋ نەمەسە زاقىمداعانى ءۇشىن مۇلكىن تاركىلەي وتىرىپ، 8 جىلعا دەيىن باس بوستاندىعىنان ايىرۋ جازاسى قاراستىرىلعانىن مالىمدەدى. 

«ق ر ىشكى ىستەر مينيسترلىگى قولدانىستاعى زاڭناماعا سايكەس، ورمانداردى جويۋ نەمەسە زاقىمداعانى ءۇشىن قىلمىستىق جاۋاپكەرشىلىك كوزدەلگەنىن ەسكەرتەدى. ورمان قورىنا كىرەتىن جانە كىرمەيتىن اعاشتار مەن بۇتالاردى ءورت قويۋ ارقىلى نەمەسە قوقىسپەن لاستاپ، وزگە دە ارەكەتپەن قاساقانا جويۋ نەمەسە زاقىمداۋ ق ر قىلمىستىق كودەكسىنىڭ 341-بابىمەن سارالانادى. اتالعان ارەكەت اۋىر قىلمىستار ساناتىنا جاتادى جانە ول ءۇشىن مۇلكىن تاركىلەي وتىرىپ، 8 جىلعا دەيىن باس بوستاندىعىنان ايىرۋ جازاسى كوزدەلگەن»، - دەدى ەرمەك شۇلدەن.

ەسكە سالايىق، 2 قىركۇيەكتە قوستاناي وبلىسىنىڭ اۋليەكول اۋدانىندا ورمان ورتەندى. وبلىستاعى 5 ايماقتا ءورت ءسوندىرۋ جۇمىستارى ءالى جالعاسىپ جاتىر. ورتتەن 10 ادام اۋىر جانە جەڭىل جاراقاتتار الىپ، 1 ادام قازا تاپقان.