الەۋمەتتىك جەلى مەن بىرنەشە اقپاراتتىق سايتتا "الماتىداعى ستۋدەنتتەر دالادا قونىپ ءجۇر" دەگەن اقپارات تاراعان ەدى. عىلىم جانە جوعارى ءبىلىم مينيسترلىگى ولاردى زەردەلەپ، كوپشىلىگى ءبىر پاراقشادان الىنعانىن جانە ونداعى مالىمەتتىڭ راستالماعانىن حابارلايدى، دەپ جازادى sputnik.kz سايتى.
ب ا ق وكىلدەرى مەن الەۋمەتتىك جەلىدەگى پاراقشا يەلەرى مينيسترلىكتىڭ باسپا ءسوز قىزمەتىنە ول ستۋدەنتتەر جايلى ناقتى دەرەكتەردى ۇسىنا الماعان.
"وسىعان وراي قوعام وكىلدەرى مەن بۇقارالىق اقپارات قۇرالدارىن تەك رەسمي اقپاراتقا سەنۋگە شاقىرامىز. ستۋدەنتتەردىڭ جاتاقحاناعا ورنالاسۋىنا قاتىستى سۇراقتار تۋىنداسا جوعارى وقۋ ورىندارىنىڭ اكىمشىلىگىنە حابارلاسۋدى سۇرايمىز. ال، ۋنيۆەرسيتەتتەر شاكىرتتەردى جاتاقحاناداعى ورىندارمەن قامتاماسىز ەتۋدە. سونداي-اق، قاجەت بولعان جاعدايدا ورىن جەتپەگەن ستۋدەنتتەر حوستەلدەر مەن قوناقۇيلەرگە ورنالاستىرىلادى" دەلىنگەن ۆەدومستۆو حابارلاماسىندا.
عىلىم جانە جوعارى ءبىلىم ۆيسە-مينيسترى قۋانىش ەرعالييەۆ ستۋدەنتتەردى جاتاقحانامەن قامتۋ ماسەلەسى تولىق شەشىلگەنگە دەيىن الماتىدا بولاتىنى حابارلاندى.
پىكىر قالدىرۋ