دەپۋتاتتار 1 جەلتوقسان – تۇڭعىش پرەزيدەنت كۇنىن مەملەكەتتىك مەرەكەلەر قاتارىنان الىپ تاستاۋدى ۇسىندى.
نورما بۇگىن، 7 قىركۇيەكتە ءماجىلىس وتىرىسىندا قارالاتىن "قازاقستان رەسپۋبليكاسىنىڭ كەيبىر زاڭنامالىق اكتىلەرىنە كينەماتوگرافيا جانە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىنا ەنگىزىلگەن.
دەپۋتاتتار پرەزيدەنت تاپسىرماسى بويىنشا "قازاقستان رەسپۋبليكاسىنداعى مەرەكەلەر تۋرالى" زاڭعا مىناداي ءبىرقاتار تۇزەتۋ ەنگىزدى. 1 جەلتوقسان – تۇڭعىش پرەزيدەنت كۇنىن مەرەكەلەۋدى مەملەكەتتىك رامىزدەر كۇنى، العىس ايتۋ كۇنى جانە قوعامدىق ماڭىزى جوعارى الەۋەتى بار وزگە دە كۇندەر سياقتى، ونى مەملەكەتتىك مەرەكەلەر قاتارىنان الىپ تاستاۋ ارقىلى ايقىنداۋ ۇسىنىلادى.
بۇدان بولەك، دەپۋتاتتار 25 قازاندى قايتادان مەملەكەتتىك مەرەكە ەتىپ، رەسپۋبليكا كۇنى رەتىندە بەلگىلەۋدى ۇسىنىپ وتىر.
پىكىر قالدىرۋ