ۋكراينالىق شەنەۋنىكتەر رەسەيگە قارسى شابۋىلدا ءبىرقاتار جەتىستىكتەرگە قول جەتكىزگەننەن كەيىن دونباسستىڭ شىعىسىنداعى قالالاردى نىساناعا العانىن حابارلادى. سوڭعى كۇندەرى ۋكراين ارمياسى باسىپ الىنعان اۋماقتىڭ ءبىر بولىگىن ازات ەتىپ، رەسەي اسكەرىن شەگىنۋگە ماجبۇرلەگەن.

پرەزيدەنت ۆلاديمير زەلەنسكيي ۋكراينا كۇشتەرى حاركوۆ وبلىسىنداعى 8000 شارشى شاقىرىمنان استام جاۋلاپ الىنعان اۋماقتا ءوز پوزيسياسىن نىعايتاتىنىن ايتتى.

اقش پرەزيدەنتى دجو بايدەن ۋكراينانىڭ سوڭى كۇندەردەگى جەتىستىگىن ەلەۋلى دەپ باعالادى.

رەسەي ءالى كۇنگە دەيىن ۋكراينا اۋماعىنىڭ بەستەن ءبىر بولىگىن باقىلاپ وتىرعانىنا قاراماستان، سوعىستىڭ باسىندا رەسەي قولىنا وتكەن دونباسس ايماعىنىڭ قالالارى ءقازىر كييەۆ كۇشتەرى شابۋىلىنىڭ استىندا قالعالى تۇر.

رەسەي ەندى بار كۇشىن ۋكرايناعا باسىپ كىرگەنگە دەيىن رەسەيشىل سەپاراتيستەردىڭ باقىلاۋىندا بولعان دونباسسقا سالىپ وتىر.

لۋگانسك وبلىسى ۋكراين تاراپىنىڭ باسشىسى سەرگەي گايداي ۋكراين كۇشتەرى وبلىستاعى ستراتەگيالىق ماڭىزى بار ليمان قالاسىنا جەتكەنىن مالىمدەدى.

سەرگەي گايداي Telegram-داعى پاراقشاسىندا "ءقازىر ليماندا قىزۋ ۇرىس ءجۇرىپ جاتىر، مەنىڭ ويىمشا، بۇل تاعى بىرنەشە كۇنگە سوزىلادى" دەپ جازدى.

ليمان مامىر ايىنىڭ سوڭىندا ورىس اسكەرلەرىنىڭ قولىنا وتكەن. ول سەپاراتيستىك دونەسك حالىق رەسپۋبليكاسىنىڭ استاناسى دونەسك قالاسىنان 50 شاقىرىم قاشىقتىقتا ورنالاسقان.

دەرەككوز: ۆۆس