قازاقستاننىڭ سولتۇستىك جارتىسىنا ءالى دە سولتۇستىك-باتىس سۋىق انتيسيكلونى اسەر ەتىپ، سالقىن اۋا رايى ساقتالادى. بۇل تۋرالى قازگيدرومەت حابارلاماسىندا ايتىلادى.
رەسپۋبليكانىڭ باتىسىندا، سولتۇستىك-باتىسىندا، شىعىسىندا، وڭتۇستىك-شىعىسىندا جاڭبىرلى اۋا رايى ساقتالادى. ەلدىڭ شىعىسى مەن وڭتۇستىك-شىعىسىنىڭ تاۋلى اۋداندارىندا تۇندە جاڭبىردىڭ سوڭى قارعا ۇلاسۋى مۇمكىن.
"15 قىركۇيەكتە قاراعان ءتۇنى شىعىستا قاتتى جاۋىن-شاشىن (جاڭبىر، قار) بولجانادى. رەسپۋبليكا بويىنشا جەل كۇشەيەدى. 15-16 قىركۇيەك كۇندەرى رەسپۋبليكانىڭ وڭتۇستىك-شىعىسىنىڭ تاۋلى اۋداندارىندا، سولتۇستىكتە، سولتۇستىك-باتىستا، ورتالىقتا، شىعىستا 5 گرادۋسقا دەيىن ۇسىك كۇتىلەدى" دەلىنگەن حابارلامادا.
پىكىر قالدىرۋ