ماڭعىستاۋ وبلىستىق پوليسيا دەپارتامەنتى "ەسىرتكى تاستاۋشى" دەلىنگەن ءجاسوسپىرىمدى ءوز بەتىنشە جازالاۋ ماقساتىندا اياۋسىز ساباعان ءبىر توپ جاس جىگىتتى ىزتەپ جاتىر. بۇل تۋرالى Lada.kz پورتالى حابارلادى.
پوليسيا مالىمەتىنشە، وقيعا قاتىسۋشىلارى انىقتالعان، ەندى ولار قاماۋعا الىنباق.
"قىلمىستىق كودەكستىڭ 293-بابى (بۇزاقىلىق) بويىنشا سوتقا دەيىنگى تەرگەپ-تەكسەرۋ باستالدى. ءىس وبلىستىق پوليسيا داپارتامەنتى باستىعىنىڭ جەكە باقىلاۋىندا" دەلىنگەن دەپارتامەنت باسپا ءسوز قىزمەتى تاراتقان حابارلامادا.
كەشە الەۋمەتتىك جەلىدە ىقتيمالدى "ەسىرتكى تاستاۋشىنى" ءبىر توپ جاس بالا جازالاپ، وعان اياۋسىز كۇش قولدانعانى كورىنگەن ۆيدەو تاراعان. "ەسىرتكى تاستاۋشىنى" دەلىنگەن ءجاسوسپىرىم ءوزىن ۇرماۋىن جالىنىپ سۇراعانىنا قاراماستان، جازالاۋشىلار ونىڭ سوزىنە قۇلاق اسپاي، اياۋسىز سوققى استىنا الادى.
پىكىر قالدىرۋ