نازاربايەۆ بيلىگى تۇسىنداعى يدولوگتاردىڭ ءبىرى ەرمۇحامەت ەرتىسبايەۆ ەكس-پرەزيدەنت ەلوردا اتاۋىن نۇر-سۇلتاننان استاناعا قايتا وزگەرتۋگە قارسى بولعان جوق دەپ سانايدى. بۇل تۋرالى ول ءوزىنىڭ YouTube-كانالىندا مەرزىمىنەن تىس وتەتىن پرەزيدەنت سايلاۋى تۋرالى ۆيدەوسىنىڭ بارىسىندا ايتتى.
"نۇرسۇلتان نازاربايەۆ (ەلوردا اتاۋىن قايتادان استانا دەپ وزگەرتۋگە – رەد) قارسى بوماعانىن انىق بىلەم. ويتكەنى ول استانانىڭ نەگىزىن قالاۋشى، قالانىڭ ارحيتەكتورى رەتىندە 2003 پە، 2004 جىلى ما قالاعا استانا اتاۋىن بەرىپ، ونى وزگەرتۋگە ۇزاق ۋاقىت قارسى بولعان. YouTube-تان ونىڭ ايتقاندارىن (استاناعا ءوز ەسىمىن بەرۋگە - رەد) وڭاي تاۋىپ الۋعا بولادى" دەيدى ول.
بۇعان دەيىن ءماجىلىس دەپۋتاتتارى ەلورداعا بۇرىنعى – استانا اتاۋىن قايتارۋدى ۇسىنىپ، باستاما پارلامەنت تاراپىنان قولداۋ تاپپاننان كەيىن، 17 قىركۇيەكتە پرەزيدەنتتىڭ ەل استاناسىن نۇر-سۇلتاننان استاناعا اۋىستىرۋ جارلىعى شىققان.
ەلوردا اتاۋى اقمولادان استانا بولىپ العاش رەت 1997 جىلعى 1 جەلتوقساندا وزگەرتىلگەن.
ەرتىسبايەۆتىڭ سوزدەرى شىندىقپەن قانشالىقتى جاناساتىنىن انىقتاۋ قيىن. نازاربايەۆ بيلىگى تۇسىندا "ساراي بۇلب ۇلى" دەگەن لاقاپ اتقا يە بولعان ەرتىسبايەۆ 2019 جىلى قازاقستاننىڭ بەلارۋستەگى ەلشىسى قىزمەتىنەن بوساتىلىپ، زەينەتكە شىققانان كەيىن دە بيلىكشىل كوزقاراسىن، وي-نيەتى اقوردامەن ۇندەس ەكەنىن ءبىلدىرىپ ءجۇردى. ءقازىر دە ءوزىن پرەزيدەنت باستامالارى مەن رەفورمالارىنىڭ جاقتاسى رەتىندە كورسەتىپ ءجۇر.
ال ەكس-پرەزيدەنت سوڭعى ۋاقىتتا بىر-ەكى مارتە الدىنا شىققانى بولماسا، ەلوردادان ەسىمى الىنىپ تاسالعانىنا بايلانىستى پىكىر بىلدىرگەن جوق.
پىكىر قالدىرۋ