سەناتتىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا دەپۋتاتتار وتاندىق كينەماتوگرافيانى، مادەنيەت سالاسىن جانە قازاقستاننىڭ مەرەكەلەرىن ودان ءارى دامىتۋعا قاتىستى زاڭ جوباسىن تالقىلادى.
جاڭا زاڭ جوباسى بويىنشا 1 جەلتوقسان – تۇڭعىش پرەزيدەنت كۇنى مەملەكەتتىك مەرەكەلەر تىزىمىنەن الىنىپ تاستالدى.
"زاڭ جوباسىندا "قازاقستان رەسپۋبليكاسىنداعى مەرەكەلەر تۋرالى" زاڭعا وزگەرىستەر ەنگىزۋ ۇسىنىلادى، ولار ۇلتتىق مەرەكە – 25 قازان رەسپۋبليكا كۇنى جانە مەملەكەتتىك مەرەكە – 16 جەلتوقسان تاۋەلسىزدىك كۇنى بولىپ بەلگىلەنگەن"، دەلىنگەن سەناتتىڭ باسپا ءسوز حابارلاماسىندا.
كوميتەت مۇشەلەرى تالقىلاۋ قورىتىندىسى بويىنشا زاڭ جوباسىن پالاتا وتىرىسىندا قاراۋعا جىبەرۋ تۋرالى شەشىم قابىلدادى.
پىكىر قالدىرۋ