"امانات قازاقستان كاسىپوداقتار دوستاستىعى" رەسپۋبليكالىق كاسىپوداقتار بىرلەستىگىنەن مەيرام قاجىكەن پرەزيدەنتتىككە ۇمىتكەرلىككە ۇسىنىلدى، دەپ حابارلادى قازتاگ.
قاجىكەندى پرەزيدەنتتىككە ۇمىتكەر رەتىندە ۇسىنۋ تۋرالى شەشىم كاسىپوداقتار بىرلەستىگىنىڭ ورتالىق جانە اتقارۋشى كوميتەتىنىڭ بىرلەسكەن وتىرىسىندا قابىلداندى. قاجىكەن قازىرگى تاڭدا "استانا" حالىقارالىق عىلىمي كەشەنىنىڭ ەكونوميكالىق زەرتتەۋلەر ينستيتۋتىنىڭ باسشىسى مىندەتىن اتقارىپ جاتىر.
ورتالىق سايلاۋ كوميسسياسى مەيرام قاجىكەن تۋرالى ازىرگە حابارلاعان جوق.
قاسىم-جومارت توقايەۆ 1 قىركۇيەكتە كەزەكتەن تىس پرەزيدەنت سايلاۋى وتەتىنىن جاريالاعان. وتكەن اپتادا سايلاۋ 20 قاراشاعا بەلگىلەنگەن.
پىكىر قالدىرۋ