سوت جۇيەسى تۋرالى جازاتىن جۋرناليست ميحايل كوزاچكوۆ الماتىدا ۇقك دەپارتامەنتى باسشىسىنىڭ بۇرىنعى ورىنباسارى تالعات مۇقانوۆ ۇستالعانىن، تەرگەۋدىڭ ءبىر ۇشى قالانىڭ ەكس-اكىمى باۋىرجان بايبەككە كەلىپ تىرەلۋى مۇمكىن ەكەنىن حابارلادى.

ءجۋرناليستىڭ ايتۋىنشا، بۇرىنعى كوميتەت قىزمەتكەرىنە سىبايلاس جەمقورلىقپەن كۇرەس قىزمەتى شۇيلىككەن، كۇدىك قاڭتار وقيعاسىمەن ەمەس، الاياقتىقپەن بايلانىستى.

"تەرگەۋ نۇسقاسىنا ساي، ەكس-شەنەۋنىك پەن بىرنەشە ادام (ولاردىڭ اراسىندا قايرات قۇدايبەرگەننىڭ باۋىرى دارحان بار) ۆيكتور حراپۋنوۆتىڭ تاركىلەنگەن مۇلكىن تومەندەتىلگەن باعامەن ساتۋعا اتسالىسقان. ءبىراق بىردەن ايتىپ كەتۋ كەرەك، بايبەك كۇدىكتى رەتىندە تانىلماعان، ودان جاۋاپ الىنباعان دا. ونى ىستەۋ دە قيىن، ويتكەنى بۇرىنعى اكىم ءقازىر ەلدە ەمەس. ايتپاقشى باۋىرجان قادىرعالي ۇلىنىڭ ۇلدارى مينيستر ساياسات نۇربەكتىڭ بالالارى وقيتىن سولتۇستىك كيپردەگى مەكتەپتە وقيدى. سونىمەن قاتار ەلدە دارحان قۇدايبەرگەن دە جوق. سوندىقتان تەرگەۋ ناتيجەسى نەگىزگى فيگۋرانتتارسىز قايدا اپاراتىنىن باقىلاۋ قىزىق بولىپ تۇر" دەپ جازادى جۋرناليست Kozachkow تەلەگرام-كانالىندا.