مينيسترلىك قازاق ءتىلى تامارا دۇيسەنوۆانىڭ انا ءتىلى ەكەنىن، ول مەملەكەتتىك ءتىلدى جەتىك مەڭگەرىپ، ۇكىمەت پەن پارلامەنتتە ۇنەمى قازاقشا ءسوز سويلەيتىنىن اتاپ ءوتتى.

"ق ر اكىمشىلىك قۇقىق بۇزۋشىلىق تۋرالى كودەكسىنىڭ 73-3-بابى ەكىنشى بولىگىنە سايكەس بۇقارالىق اقپارات قۇرالدارىن پايدالانا وتىرىپ جاسالعان جالا جابۋ (ياعني، باسقا ادامنىڭ ار-نامىسى مەن قادىر-قاسيەتىنە نۇقسان كەلتىرەتىن نەمەسە ونىڭ بەدەلىنە نۇقسان كەلتىرەتىن كورىنەۋ جالعان مالىمەتتەردى تاراتۋ) 650 ايلىق ەسەپتىك كورسەتكىشكە دەيىن ايىپپۇل سالۋعا نە 25 تاۋلىك مەرزىمگە اكىمشىلىك قاماققا الۋعا اكەپ سوعادى. وتاندىق ب ا ق وكىلدەرىنەن تەكسەرىلگەن اقپاراتتى جاريالاۋدى، ال ازاماتتاردان فەيكتەرگە نازار اۋدارماۋدى جانە اقپاراتتى تەك رەسمي كوزدەردەن الۋدى سۇرايمىز" دەلىنگەن مينيسترلىك حابارلاماسىندا.

Ranking.kz پورتالى مينيسترلىك ەسكەرپەسىنەن كەيىن الدىڭعى ماتەريالدى ءوشىرىپ، تۇزەتىلگەن نۇسقاسىن جاريالاعان. ول جەردە تامارا دۇيسەنوۆا قازاق، ورىس، اعىلشىن، نەمىس، وزبەك سەكىلدى 5 ءتىلدى بىلەتىنى جازىلعان.