اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانىڭ 3 قازانعا بەلگىلەنگەن سوت وتىرىسى 10 كۇنگە شەگەرىلدى. بۇل تۋرالى atpress.kz سايتى حابارلادى.
سوت وتىرىسى سۋديانىڭ اۋىرىپ قالۋىنا بايلانىستى كەيىنگە شەگەرىلگەن. وتىرىستا ەكى تاراپتىڭ ءجارىسسوزى باستالۋى كەرەك ەدى. الايدا سوت پروسەسى باستالار ۋاقىتتا قالالىق سوت قىزمەتكەرلەرى سۋديا جۇماعالي تاشيموۆ اۋىرىپ قالۋىنا بايلانىستى وتىرىس كەيىنگە شەگەرىلگەنىن جەتكىزدى.
باقىتگۇل حامەنوۆا مەن وڭىرلىك مادەنيەت، ارحيۆتەر جانە قۇجاتتاما باسقارماسىنىڭ باسشىسى اقىلبەك رىسقالييەۆتى تەرگەۋ 2021 جىلدىڭ جەلتوقسان ايىندا باستالعان ەدى.
سىبايلاس جەمقورلىققا قارسى قىزمەتتىڭ مالىمەتىنشە، ولار اتىراۋدا اباي ەسكەتكىشىن ورناتۋ ءۇشىن ج ش س باسشىسىنان 4،5 ملن تەڭگە پارا الدى دەگەن كۇدىككە ىلىنگەن.
پىكىر قالدىرۋ