رەسەي پرەزيدەنتى ۆلاديمير پۋتين اننەكسيالاۋ پروسەسىن رەسمي اياقتاپ، ۋكراينانىڭ ءىشىنارا باسىپ الىنعان ءتورت ايماعىنىڭ رەسەيگە كىرۋى تۋرالى كونستيتۋسيالىق زاڭدارعا قول قويدى. بۇل تۋرالى ۆۆس جازدى.
وسى زاڭداردىڭ نەگىزىندە رەسەي كونستيتۋسياسىنا رەسەي فەدەراسياسىنىڭ سۋبەكتىلەرى رەتىندە حەرسون جانە زاپوروجە وبلىستارى، سونداي-اق لۋگانسك جانە دونەسك "حالىق رەسپۋبليكالارى" قوسىلادى دەگەن وزگەرىس ەنەدى.
پۋتين وسى ارقىلى ۋكراينا تەرريتورياسىنىڭ 15 پايىزدان استام جەرىن وزىنە قوسۋدى اياقتادى. ءدال وسى تۇستا رەسەي اسكەرلەرى ۋكراينانىڭ قارسى شابۋىلىن بىرنەشە باعىتتا توقتاتۋ ءۇشىن كۇرەسىپ جاتىر.
ال رەسەيدىڭ بۇرىنعى جاقتاستارى اننەكسيالانعان اۋماقتاردىڭ جەتەكشىلەرى قىزمەتىن ساقتاپ قالدى.
الدىڭعى كۇنى فەدەراسيا كەڭەسى شارتتاردى راتيفيكاسيالاپ، ءوزىن-وزى جاريالاعان دحر مەن لحر جانە ءىشىنارا باسىپ الىنعان حەرسون مەن زاپوروجە وبلىستارىن قوسۋ تۋرالى كونستيتۋسيالىق زاڭدارعا ءبىراۋىزدان داۋىس بەرگەن.
پىكىر قالدىرۋ