وسكەمەندىك ءورت سوندىرۋشىلەردىڭ، وبلىستىق جانە قالالىق اكىمدىكتەر وكىلدەرىنىڭ ۇيلەسىمدى جانە كاسىبي ءىس-قيمىلدارىنىڭ ارقاسىندا بۇگىن تۇندە 4ء-شى قالالىق اۋرۋحانادا بولعان ءورت تەز ارادا ءسوندىرىلدى.

6 قازان كۇنى تۇنگى ساعات ءبىر شاماسىندا سەرىكبايەۆ كوشەسىندەگى مەديسينالىق مەكەمەدە جەرتولەدە ءورت شىقتى.

جاعدايدى شقو اكىمى دانيال احمەتوۆ دەرەۋ جەكە باقىلاۋعا الدى، ول ءار 15 مينۋت سايىن بايلانىسقا شىعىپ وتىردى. وقيعا ورنىنا دەرەۋ اكىمنىڭ ورىنباسارى ش.بۋكتۋگۋتوۆ، سونداي-اق قالا اكىمى ج. ومار باردى. جەدەل، دۇربەلەڭسىز ادامداردى اۋرۋحانادان ەۆاكۋاسيالاۋ باستالدى.

تج ورنىندا ءورت سوندىرۋشىلەر جەدەل جانە ۇيلەسىمدى جۇمىس ىستەدى.

قۇرباندار مەن زارداپ شەككەندەر جوق. ناۋقاستاردىڭ ەشقايسىسىنا قوسىمشا مەديسينالىق كومەك قاجەت بولمادى، بارلىعى بۇل جاعدايعا تۇسىنىستىكپەن قارادى.

ءورت سوندىرۋگە بارلىعى 15 بىرلىك تەحنيكا مەن جەكە قۇرامنىڭ 45 ادامى تارتىلدى.