قازاقستان حالىق پارتياسى استانادا كەزەكتەن تىس XXI سەزىن وتكىزىپ، الداعى سايلاۋعا قاسىم-جومارت توقايەۆتىڭ كانديداتۋراسىنا قولداۋ ءبىلدىردى، دەپ جازادى informburo.kz.  

"ءقازىر ىشكى ساياسي ويىندار مەن قارسىلاستاردىڭ ۋاقىتى ەمەس. ءبىزدىڭ پارتيا ساياسي كۇشتەردىڭ ىشىندە كەزەكتەن تىس پرەزيدەنت سايلاۋىندا قاسىم-جومارت توقايەۆتىڭ كانديداتۋراسىن ءبىرىنشى بولىپ قولدادى. بۇل ماسەلەدە ەل مۇددەسىن العا قويۋىمىز كەرەك"، دەدى حالىق پارتياسىنىڭ كوشباسشىسى ەرمۇحامەت ەرتىسبايەۆ. 

ەرتىسبايەۆ "اۋىل" پارتياسىنىڭ كانديداتى جيگۋلي دايرابايەۆتىڭ سايلاۋدا جەڭىسكە جەتۋ مۇمكىندىگىنە باعا بەردى. پارتيا كوشباسشىسى دايرابايەۆپەن جەكە تانىس ەمەس ەكەنىن ايتتى. 

"ول سايلاۋدا ەڭ بولماعاندا 5% جيناي الا ما؟ مەن ونىڭ ەشقانداي مۇمكىندىگى جوق دەپ ويلايمىن. ءتىپتى، 0% داۋىسپەن گيننەستەر رەكوردى كىتابىنا ەنەتىن بولار. سەبەبى ەشكىم استانا اتاۋىن جيگۋلي دەپ اۋىستىرعانىن قالامايدى"، دەدى ەرتىسبايەۆ. 

كەيىن ەرتىسبايەۆ مۇنىسىن رەسميلىكتەن ارىلىپ، سەزد قاتىسۋشىلارىن سەرگىتۋ ءۇشىن ازىلدەپ ايتقانىن جەتكىزدى.