قاسىم-جومارت توقايەۆ الداعى مەرزىمىنەن بۇرىن وتەتىن پرەزيدەنت سايلاۋىنا ءوزىنىڭ ۇمىتكەرلىگى ءۇشىن قۇرىلعان "حالىقتىق كواليسيا" اتىنان تۇسەتىنىن ءمالىم ەتتى.
"بارشاڭىز ۇسىنعان ورتاق كانديدات رەتىندە پرەزيدەنت سايلاۋىنا ءتۇسۋ – مەن ءۇشىن زور مارتەبە ءارى ۇلكەن جاۋاپكەرشىلىك" دەگەن پرەزيدەنت قۇرىلعانى بۇگىن عانا حابارلانعان كواليسيادا "بارلىق الەۋمەتتىك توپتار قامتىلعان" دەپ اتاپ ءوتتى.
بۇگىن AMANAT پارتياسىنىڭ سەزىندە پارتيا ءتوراعاسى ەرلان قوشانوۆ الداعى پرەزيدەنت سايلاۋىنا قازىرگى پرەزيدەنت قاسىم-جومارت توقايەۆتىڭ ۇمىتكەرلىگىن قولداۋ جونىندەگى حالىقتىق كواليسيا قۇرىلاتىنىن ءمالىم ەتكەن.
AMANAT پارتياسى سەزدە قاسىم-جومارت توقايەۆتى پرەزيدەنتتىككە كانديدات رەتىندە ۇسىنعان. بۇدان بولەك "قازاقستان حالىق پارتياسى"، ءماسليحاتتار دەپۋتاتتارىنىڭ رەسپۋبليكالىق قوعامدىق بىرلەستىگى، "قازاقستان سپورتشىلار وداعى" رەسپۋبليكالىق قوعامدىق بىرلەستىگى، قازاقستاننىڭ ازاماتتىق اليانسى، "ارداگەرلەر ۇيىمى" رەسپۋبليكالىق قوعامدىق بىرلەستىگى، "Qazaqstan Team" قوعامدىق بىرلەستىگى، ۇلتتىق ۆولونتەرلىك جەلىسى قازىرگى پرەزيدەنت ۇمىتكەرلىگىن ۇسىنعان.
كواليسيا تۋرالى كەشە پرەزيدەنت پاۆلودار وبلىسىنا جاساعان ساپارىندا ايتقان. ول الداعى سايلاۋعا قوعامدىق-ساياسي كۇشتەر كواليسياسىنىڭ اتىنان قاتىسقاندى ءجون كورىپ وتىرعانىن جەتكىزگەن بولاتىن.
پىكىر قالدىرۋ