6 قازاندا بۇۇ ادام قۇقىقتارى جونىندەگى كەڭەسى قىتايدىڭ شىڭجاڭ ايماعىنداعى مۇسىلماندارعا ارنالعان لاگەرلەر ماسەلەسىن تالقىلاۋ جونىندەگى ۇسىنىستى قابىلدامادى. 

وتكەن ايدا اقش، ۇلىبريتانيا، تۇركيا، كانادا جانە تاعى باسقا ەلدەر شىڭجاڭدا ۇيعىر، قازاق، قىرعىز جانە وزگە دە تۇركى ءتىلدى مۇسىلمانداردىڭ قۇقىقتارىنىڭ تاپتالىپ جاتقانى جونىندە تالقىلاۋ وتكىزۋدى ۇسىنعان ەدى. 

47 مەملەكەتتەن قۇرالعان ادام قۇقىعى كەڭەسىنىڭ جيىنىندا 17 ەل ۇسىنىستى قولداپ داۋىس بەردى، 19-ى قارسى بولدى. 11 مەملەكەت قالىس قالدى. قازاقستان، وزبەكستان، پاكىستان، بىرىككەن اراب امىرلىكتەرى، كاتار، جۇڭگو، نەپال، يندونەزيا، كامەرۋن، ەريترەيا، گابون، كوت-د'يۆۋار، ماۆريتانيا، ناميبيا، سەنەگال، سۋدان، بوليۆيا، ۆەنەسۋەلا جانە كۋبا تالقىلاۋعا قارسى داۋىس بەردى.