2022 جىلعى قاڭتار-تامىز ارالىعىندا ىشكى ىستەر مينيسترلىگىنىڭ 199 قىزمەتكەرى قىلمىستىق قۇقىق بۇزۋشىلىق جاساعان. ولاردىڭ 149-ى اۋىر ، 22 قىزمەتكەر اسا اۋىر ەمەس، 25 قىزمەتكەر ورتاشا اۋىر، 1 قىزمەتكەر اسا اۋىر قىلمىس جاساعان. بۇل تۋرالى Ranking.kz پورتالى حابارلادى.

ءتارتىپ بۇزۋشىلاردىڭ باسىم بولىگى الماتى قالاسىندا (25 ادام) تۇرادى. ودان كەيىن اقتوبە (19 ادام)، الماتى (17 ادام) جانە سولتۇستىك قازاقستان (17 ادام) وبلىستارى.

ءىىم قىزمەتكەرلەرى اراسىندا قۇقىق بۇزۋشىلىق از جاسالعان ايماق – شىعىس قازاقستان وبلىسى. ول جەردە 1 جاعداي تىركەلگەن. بىلتىر 17 قىزمەتكەر جاۋاپكقا تارتىلعان.

ءىىم قىزمەتكەرلەرى اراسىندا قۇقىق بۇزۋشىلاردىڭ جارتىسى، ياعني 100ء-ى سىبايلاس جەمقورلىق جانە مەملەكەتتىك قىزمەت پەن مەملەكەتتىك باسقارۋ مۇددەلەرىنە قارسى باسقا دا قىلمىستىق قۇقىق بۇزۋشىلىقتار بويىنشا ۇستالعان. كورسەتكىش بىلتىرعىدان 2%-عا از. بۇل سالاداعى ەڭ كوپ تارالعان قۇقىق بۇزۋشىلىقتا – پارا الۋ، سالعىرتتىق جانە بيلiكتi نەمەسە لاۋازىمدىق وكiلەتتiكتەردى اسىرا پايدالانۋ.

مەنشىككە قاتىستى قۇقىق بۇزۋشىلىق ءبىر جىل بۇرىنعىعى قاراعاندا 55-تەن 50-گە دەيىن كەمىگەن. بۇل جەردە ەڭ كوپ قۇقىق بۇزۋشىلىقتاردىڭ قاتارىندا الاياقتىق، ۇرلىق جانە بوتەننىڭ سەنىپ تاپسىرىلعان مۇلكىن يەمدەنۋ نەمەسە جىمقىرۋ بار.

قاڭتار-تامىز ارالىعىندا پوليسيا 12 ادامدى ازاپتاعان. الايدا پورتالى بۇل باعىتتاعى رەسمي ستاتيستيكاعا كۇمانمەن قارايدى.