قازاقستان قاۋىپسىزدىك كەڭەسى حاتشىسىنىڭ بۇرىنعى ءبىرىنشى ورىنباسارى مارات شايحۋتدينوۆ "مەملەكەتكە ساتقىندىق جاساۋ" جانە "تىڭشىلىق" باپتارى بويىنشا كىنالى تانىلىپ، 7 جىلعا باس بوستاندىعىنان ايىرىلدى، دەپ حابارلادى ۇقك باسپا ءسوز قىزمەتى.
"2022 جىلعى 21 قىركۇيەكتە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى م.شايحۋتدينوۆتى ق ر قىلمىستىق كودەكسىنىڭ 185-بابى 3-بولىگى بويىنشا كىنالى دەپ تاۋىپ، ونى مەملەكەتتىك قىزمەتتە قىزمەت اتقارۋ قۇقىعىنان جانە 7 جىلعا باس بوستاندىعىنان ايىرۋعا ۇكىم شىعاردى. سونداي-اق، قىلمىستىق ىسكە قاتىسى بار لەونيد سكاكوۆسكييدىڭ (قك-نىڭ 175-ب. 1ب. – مەملەكەتكە وپاسىزدىق جاساۋ) جانە ولەگ جداننىڭ (قك-نىڭ 176-ب. – تىڭشىلىق) كىناسى تولىق دالەلدەندى. ولار سايكەسىنشە 11 جىل 3 ايعا جانە 11 جىلعا باس بوستاندىقتارىنان ايىرىلدى" دەلىنگەن ق ر ۇلتتىق قاۋىپسىزدىك كوميەتىنىڭ حابارلاماسىندا.
بيىل ناۋرىزدا قىزمەتىنەن بوساتىلعان قاۋىپسىزدىك كەڭەسى حاتشىسىنىڭ بۇرىنعى ءبىرىنشى ورىنباسارى مارات شايحۋتدينوۆكە تىڭشىلىق جاسادى جانە مەملەكەتتىك قۇپيانى جاريالادى دەگەن ايىپ تاعىلعان ەدى.
پىكىر قالدىرۋ