سينوپتيكتەر الداعى دەمالىس كۇندەرى ەلدىڭ باسىم بولىگىندە كۇن سالقىندايتىنىن حابارلادى.

"الداعى دەمالىس كۇندەرى ورتالىعى بارەنس تەڭىزىنىڭ ۇستىندە ورنالاسقان سيكلوننىڭ تەرەڭ جىراسى قازاقستان اۋماعىنىڭ باتىسىنان شىعىسىنا قاراي جىلجي وتىرىپ، ءوز جولىندا جاڭبىر تۇرىندەگى جاۋىن-شاشىن الىپ كەلەدى: ەلدىڭ سولتۇستىك، شىعىس جانە تاۋلى ايماقتارىندا تۇنگى جانە تاڭعى ساعاتتاردا جاڭبىر ىلعالدى قارعا ۇلاسۋى مۇمكىن، تۇمان بايقالادى، جەل كۇشەيەدى، رەسپۋبليكانىڭ وڭتۇستىگى مەن باتىسىندا شاڭدى داۋىل كۇتىلەدى. ەۋروپا ايماقتارىنان كەلەتىن سۋىق انتيسيكلون جاڭا اپتانىڭ باسىندا رەسپۋبليكانىڭ باتىسىندا، سودان كەيىن سولتۇستىگىندە جاۋىن-شاشىننىڭ توقتاۋىنا سەبەپ بولادى" دەلىنگەن قازگيدرومەت حابارلاماسىندا.

سولتۇستىكتە، شىعىستا جانە ورتالىقتا تۇندە - 3 گرادۋس + 5، كۇندىز + 3 + 13 گرادۋس ارالىعىندا بولادى.

باتىستا تۇندە 1-9 گرادۋس، كۇندىز 15-25 گرادۋس جىلى.

وڭتۇستىكتە تۇندە 1-6 گرادۋس جىلى، تاۋلى اۋدانداردا 2-7 گرادۋس نولدەن تومەن، كۇندىز 12-20 گرادۋس جىلى بولادى.