"ءبىز ءبارىمىز ءتۇنى بويى تابىندىلىقپەن جۇمىس ىستەدىك" دەيدى دنەپر مەرى بوريس فيلاتوۆ تەلەگرام-كانالىندا ءتۇنى بويى تىنىم تاپپاي ەڭبەك ەتكەن جۇمىسشىلارعا راحمەت ايتىپ.
قالا باسشىسى جولدىڭ سنارياد قۇلاعان كەزدەگى جانە جوندەۋدەن كەيىنگى سۋرەتىن جاريالادى. اراداعى ۋاقىت الشاقتىعى ءبىر تاۋلىك قانا.
"ءبىز ءبارىن قالپىنا كەلتىرەمىز، قايتا تۇرعىزامىز. ءبىراق بىزدەگى وشپەندىلىك ءجۇز جىلداپ ءومىر سۇرەدى" دەيدى فيلاتوۆ.
كەشە رەسەي ۋكراينانىڭ 12 وبلىسى مەن كييەۆتى زىمىرانمەن اتقىلاعان. شابۋىل سالدارىنان 19 ادام كوز جۇمىپ، 105 ادام جارالانعان. جارىلىس سالدارىنان جارىقسىز قالعان 3571 ەلدىمەكەنگە ەلەكتر جارىعىنا قوسىلدى، 301 ەلدىمەكەن ءالى دە جارىقسىز وتىر.
پىكىر قالدىرۋ