ۇلىبريتانيا ۇكىمەت بايلانىس ورتالىعىنىڭ باسشىسى دجەرەمي فلەمينگ ۋكراينا رەسەيلىك اسكەرگە تويتارىس بەرۋ ارقىلى، سوعىس بارىسىن تۇبەگەيلى وزگەرتتى، دەگەن مالىمدەمە جاسادى. بۇل تۋرالى ۆۆس حابارلادى.

ورتالىق باسشىسى سوڭعى كۇندەرى رەسەي ۋكراينانى زىمىرانمەن اتقىلاعانىنا قاراماستان، كرەمل اسكەرىندە ءوق-دارى قورى از قالعانىن، ءپۋتيننىڭ شەشىمى قاتە بولعانىن ايتادى.

ونىڭ دەرەگىنشە، رەسەي سوعىستا ايتسا سەنگىسىز شىعىنعا ۇشىراپ جاتىر. رەسەي اسكەرىنىڭ و باستاعى ءساتتى قيمىلدارىنان ءقازىر ەشتەڭە قالماعان. 

"ءبىز رەسەيدە قور مەن ءوق-دارى تاۋسىلۋعا شاق قالعانىن بىلەمىز. مۇنى وقيعا ارنىندا جۇرگەن رەسەيلىك كومانديرلەر دە بىلەدى. ۆلاديمير پۋتين جاعدايدى باعامداۋدا قاتتى قاتەلەستى. وعان ءوز ازاماتتارى دا كۋا" دەيدى دجەرەمي فلەمينگ.

كەشە رەسەي ۋكراينانىڭ 12 وبلىسى مەن كييەۆتى زىمىرانمەن اتقىلاعان. شابۋىل سالدارىنان 19 ادام كوز جۇمىپ، 105 ادام جارالانعان. جارىلىس سالدارىنان جارىقسىز قالعان 3571 ەلدىمەكەنگە ەلەكتر جارىعىنا قوسىلدى، 301 ەلدىمەكەن ءالى دە جارىقسىز وتىر.

بۇگىن "ۇلكەن جەتىلىك" ەلدەرىنىڭ باسشىلارى زىمىران شابۋىلدارىنا باسلانىستى ۆيردۋال كەزدەسۋ وتكىزىپ، ۋكراينانى قولداۋ بارىسى تۋرالى كەڭەسپەك.

ۇلىبريتانيا ۋكراينانى قولداۋ ماقساتىندا 2،3 ملرد فۋنت ستەرلينگ قارجى ءبولىپ، وزگە ەلدەردى دە پۋتين جەڭىلىپ، ۋكراينا حالقى تەزىرەك جەڭىسكە قول جەتكىزۋ ءۇشىن كييەۆكە باتىل تۇردە كومەك كورسەتۋگە شاقىردى.