مەملەكەتتىك ايىپتاۋشى باۋىرجان شەكەنوۆ سوتتان بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى كىنالى دەپ تاۋىپ، ونى 6 جىلعا باس بوستاندىعىنان ايىرۋدى سۇرادى، دەپ حابارلادى Ulysmedia.kz سايتى.
"ءبىرتانوۆتى قك-نىڭ 361-بابى 4-بولىگى 3-تارماعى («قىزمەتتىك وكىلەتتىكتەردى تەرىس پايدالانۋ») بويىنشا كىنالى دەپ تاۋىپ، مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا، باس بوستاندىعىنان 6 جىلعا ايىرۋ جازاسىن تاعايىنداۋدى سۇرايمىن" دەدى باۋىرجان شەكەنوۆ.
ەكس-مينيستردىڭ 2020 جىلعى 7 قاراشادان باستاپ ۇكىم شىعارىلعان كۇنگە دەيىنگى ءۇيقاماعىندا ۇستاۋ مەرزىمىندەگى ەكى كۇنىن جازانى وتەۋدىڭ ءبىر كۇنى ەسەبىمەن جازا مەرزىمىنە ەسەپتەۋ ۇسىنىلدى.
ءبىرتانوۆتىڭ بۇرىنعى ورىنباسارى ولجاس ابىشيەۆتى دە ءدال وسىنداي جاعدايدا پروكۋرور 5 جىلعا باس بوستاندىعىنان ايىرۋدى سۇرادى.
شەكەنوۆ ءبىرتانوۆتى "قۇرمەت" مەملەكەتتىك سىيلىعىنان ايىرۋدى دا ۇسىنادى.
سونىمەن قاتار، پروكۋرور ەكس-مينيستر مەن ابىشيەۆتەن 1 548 136 575 تەڭگەنى تەڭ ۇلەسپەن جانە ءبىرتانوۆتان سانيتارلىق اۆياسيانى پايدالانعانى ءۇشىن جۇمسالعان 5 503 721 تەڭگەنى ءوندىرۋدى سۇرادى.
پىكىر قالدىرۋ