ءماجىلىس قاڭتار وقيعاسىنداعى تارتىپسىزدىكتەرگە قاتىسقاندارعا ءبىر رەتتىك امنيستيا جاريالاۋ تۋرالى زاڭ جوباسىن ماقۇلدادى.
جوبا تارتىپسىزدىككە قاتىسقانداردىڭ، اۋىرلىعى شاعىن جانە ورتاشا قىلمىس جاساعانداردىڭ ۇستىنەن قوزعالعان ىستەردى توقتاتۋدى، وسى ايىپتار بويىنشا سوتتالعانداردى جازادان بوساتۋدى، جازاسىن وتەگەندەردەن سوتتالعانىن الىپ تاستاۋدى كوزدەيدى.
اۋىر قىلمىس جاساعاندار ءۇشىن جازا مەرزىمىنىڭ تورتتەن ءۇش بولىگى، اسا اۋىر قىلمىسقا بارعاندار ءۇشىن جازا مەرزىمىنىن جارتىسى قىسقارتىلادى.
امنيستيا لاڭكەستىك جاسادى دەپ ايىپتالعاندارعا، ەكسترەميست دەپ تانىلعاندارعا، جەمقورلىق قىلمىستارىن، وتانعا وپاسىزدىق جاساعاندارعا، جاپپاي تارتىپسىزدىك ۇيىمداستىرعاندارعا، ازاپتاۋشىلارعا، كامىلەت جاسىنا تولماعانداردىڭ جىنىستىق قولسۇعىلماۋشىلىعىنا قارسى قىلمىس جاساعاندارعا قولدانىلمايدى.
راقىمشىلىقتىڭ باستى شارتتارىنىڭ ءبىرى – ايىپكەر كىناسىن مويىنداپ، ىستەگەن ىسىنە وكىنۋگە ءتيىس.
امنيستيا 1500 ادامدى قامتيدى دەپ جوسپارلانىپ وتىر.
پىكىر قالدىرۋ