ءماجىلىس سالىق تۋرالى زاڭناماعا ەنگىزىلەتىن وزگەرىستەردى قابىلداپ، ەل اۋماعىنا شەتەلدەن 2022 جىلعى 1 قىركۇيەككە دەيىن كىرگەن كولىكتەردى زاڭداستىرۋ ءۇشىن الىناتىن ءبىر رەتتىك تولەم مولشەرىن ايقىندادى.
ەكىنشى وقىلىمدا ماقۇلدانعان جوباعا ساي، ءبىر رەتتىك تولەم مولشەرى 200 مىڭ تەڭگەنى قۇرايدى.
زاڭداستىرىلاتىن كولىك قۇرالىنىڭ كاتەگوريالارىن، ءتارتىبىن، شارتتارى مەن تولەم جاساۋ مەرزىمىن ۇكىمەت انىقتايدى.
بۇعان دەيىن ىشكى ىستەر مينيسترلىگى زاڭداستىرىلعان اۆتوكولىكتەرگە اق نومەر بەرىلەتىنىن، ەۋرازيالىق ەكونوميكالىق وداققا كىرمەيتىن ەلدەردەن اكەلىنگەن كولىك يەلەرى كەدەن الىمدارىن تولەيتىنىن، كولىكتىڭ جاسى مەن ەكولوگيالىق كلاسسىنا تالاپ قويىلمايتىنىن حابارلاعان.
1 قىركۇيەكتەن كەيىن كىرگىزىلگەن، ىزدەۋدە جۇرگەن، بۇرىن تىركەلگەن ەلدەن ەسەپتەن دۇرىس شىعارىلماعان، ءرولى وڭ جاقتاعى كولىكتەر زاڭداستىرىلمايدى.
ال جالپى پروسەستىڭ جاي-جاپسارى الداعى ۋاقىتتا بەلگىلى بولادى. كولىكتەردى زاڭداستىرۋدى 2023 جىلعى 1 قاڭتاردان باستاۋ كوزدەلىپ وتىر.
پىكىر قالدىرۋ