ۇقك-نىڭ ەكس-باسشىسى كارىم ءماسىموۆ پەن ۇقك ءتوراعاسىنىڭ بۇرىنعى ورىنباسارى ءانۋار سادىقۇلوۆتى قاماۋدا ۇستاۋ مەرزىمى ۇزارتىلدى، دەپ حابارلايدى ۇقك باسپا ءسوز قىزمەتى.
"تەرگەۋ سوتى كارىم ءماسىموۆ پەن ءانۋار سادىقۇلوۆتىڭ قاماۋدا ۇستاۋ مەرزىمىن 2022 جىلدىڭ 13 جەلتوقسانىنا دەيىن، ال ەكىنشى بۇرىنعى ورىنباسارى مارات ءوسىپوۆتىڭ قاماۋدا ۇستاۋ مەرزىمىن 2022 جىلدىڭ 22 جەلتوقسانىنا دەيىن ۇزارتتى" دەلىنگەن حابارلامادا.
جاسالعان ارەكەتتەردىڭ ءمان-جايىن ەسكەرە وتىرىپ، قىلمىستىق ءىس "وتە قۇپيا" ساناتىنا جاتقىزىلدى.
ەسكە سالساق، ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە قاتىستى وسى جىلدىڭ 6 قاڭتارىندا ق ر قىلمىستىق كودەكسىنىڭ 175-بابى 1-بولىگىمەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستالدى.
پىكىر قالدىرۋ