اقش-تا قۇرىلعان «بىرىككەن الاش» قورى دۇنيە جۇزىندەگى شىعارماشىل قازاق جاسوسپىرىمدەرىن انىقتاپ، ولاردى جىگەرلەندىرۋ ماقساتىندا ءى حالىقارالىق بايقاۋ جاريالادى. وعان قازاستانداعى جانە دۇنيە جۇزىندەگى قازاق دياسپورالارىنداعى 10 جانە 18 جاس ارالىعىنداعى ورەندەر قاتىسا الادى.

تۇڭعىش رەت وتەتىن بايقاۋدىڭ تاقىرىبى – “مەنىڭ تۇلعام”.

بايقاۋ شارتتارى: 

⁃ بايقاۋعا قاتىسۋشىنىڭ جاسى 10-18 ارالىعىندا بولۋى ءتيىس؛

⁃ بايقاۋعا قاتىسۋشى ءوزى قۇرمەت تۇتاتىن تاريحتاعى نەمەسە بۇگىنگى زامانعى تۇلعالاردىڭ ءبىرى جايلى ەسسە جازۋى ءتيىس. ەسسەدە: «ءسىزدىڭ ۇلگى تۇتاتىن تۇلعاڭىز كىم، ول تۇلعا نەسىمەن ەرەكشە، تۇلعانىڭ ناقتى قانداي قاسيەتى، مىنەزى نەمەسە ەڭبەگى ۇلگى بولارلىق، تۇلعانىڭ ەرەكشە قاسيەتى، مىنەزى نەمەسە بولمىسى ءححى عاسىرداعى قازاق جاستارىنا ۇلگى بولۋعا جاراي ما، قازاق جاستارىنىڭ دامۋىنا، جاقسى ءومىر سۇرۋىنە كومەكتەسە الا ما، ءسىز ول تۇلعانى ءوز زامانداستارىڭىز اراسىندا قالاي ناسيحاتتاپ، قالاي دارىپتەر ەدىڭىز؟» دەگەن سۇراقتارعا جاۋاپ بەرۋى ءتيىس. ياعني “مەنىڭ تۇلعام” اتتى شىعارمادا شىعارماشىل جاس ۇلگى تۇتاتىن تۇلعاسى جايلى جالپىلاما ماقتاماي، ناقتى دەتالدارمەن، بەلگىلى ءبىر قىرىن اشا وتىرىپ جازۋى ءتيىس. جازۋ فورماسى، ءستيلى ەركىن، شىعارماشىل جاستىڭ وي ەركىندىگى مەن شىعارماشىلىق قابىلەتىن ايشىقتايتىنداي بولۋى قۇپتالادى.

بايقاۋ ەرەجەسى: 

⁃ شىعارما Times New Roman 14-پەن 2 – 2.5 بەتتەن اسپاۋى ءتيىس. شىعارمانىڭ (ۆوردتاعى) ەڭ سوڭىنا قاتىسۋشىنىڭ تولىق ءاتى-جونى، مەملەكەت، قالا (اۋدان، اۋىل) اتاۋى، بايلانىس ءنومىرى مىندەتتى تۇردە جازىلۋى كەرەك.

⁃ جازىلعان شىعارما قاتىسۋشىنىڭ سۋرەتى مەن بىرگە info@kazunite.com ەلەكتروندى پوشتاسىنا جولدانۋى قاجەت.

⁃ ماتەريالدار 30 قاراشا كۇنى نيۋ-يورك ۋاقىتىمەن ساعات 23.00-گە دەيىن قابىلدانادى. بۇل ۋاقىتتان كەش جىبەرىلگەن شىعارمالار بايقاۋعا قاتىستىرىلمايدى.

قوسىمشا اقپارات: 

⁃ ىرىكتەۋدەن وتكەن شىعارمالار اقش-تاعى تۇڭعىش قازاق باسىلىمى kazunite.com حالىقارالىق پورتالىندا جاريالانادى.

بايقاۋ جەڭىمپازدارىن قازاقستان، اقش، ەۋروپا ەلدەرى مەن تۇركياداعى بەلگىلى تۇلعالاردان قۇرىلعان قازىلار القاسى انىقتايدى.

جۇلدە قورى: 

⁃ I ورىن – 200 مىڭ تەڭگە (ءبىر)؛

⁃ ءىى ورىن – 100 مىڭ تەڭگە (ەكى)؛

⁃ ءىىى ورىن 50 مىڭ تەڭگە (ءۇش)؛

⁃ ىنتالاندىرۋ سىيلىعى 20 مىڭ تەڭگە (بەس).

قوسىمشا اقش-تاعى «بىرىككەن الاش» قورىنىڭ حالىقارالىق بايقاۋىنىڭ جۇلدەسىن راستايتىن ماقتاۋ قاعازى مەن شاعىن سىي-قورجىن تاپسىرىلادى.