قۇسقا ارنالعان قۇرامىندا اقۋىز مولشەرى جوعارى جەم-شوپ تاپشىلىعى قازاقستاندا قۇس شارۋاشىلىعى ونىمدەرىنىڭ قىمباتتاۋىنا اكەپ سوعۋى مۇمكىن. بۇل تۋرالى اتامەكەن كاسىپكەرلەر پالاتاسىنىڭ رەسمي سايتى حابارلادى.

كاسىپكەرلەردىڭ ايتۋىنشا، بۇل جاعداي قىركۇيەكتەن باستالىپ، تەمىرجول كولىگىمەن كۇنجارا، جوم تاسىمالداۋعا ارنالعان ۆاگونداردىڭ بولماۋىنا بايلانىستى ءتىپتى تۇيتكىلدى پروبلەماعا اينالعان. قازىرگى كەزدە قۇس شارۋاشىلىعىن ازىقپەن قامتاماسىز ەتۋ جانە وسىمدىك مايىن ىشكى تاسىمالداۋ ءۇشىن ايىنا 300-گە جۋىق ۆاگون قاجەت.

«كاسىپورىندار تاراپىنان وتىنىمدەر ۋاقىتىلى بەرىلگەنىنە قاراماستان، «قازتەمىرترانس» اق جەم-شوپتى تيەۋگە جابىق ۆاگونداردى بەرمەي جاتىر. قتج تاراپىنان دا كەستە جوسپارلانبادى نەمەسە ۆاگونداردىڭ از عانا سانىنا رۇقسات بەرىلەدى. سونىڭ سالدارىنان كاسىپكەرلەر جوسپاردى ورىنداي الماي، ايىپپۇل تولەۋگە ءماجبۇر بولادى»، – دەپ اتاپ ءوتتى قازاقستاننىڭ مايلى داقىلداردى قايتا وڭدەۋشىلەر ۇلتتىق قاۋىمداستىعىنىڭ باسقارما ءتوراعاسى يادىكار يبراگيموۆ ونلاين كەزدەسۋدە.

كاسىپكەرلەر جەتكىزۋ كەستەسىنىڭ بۇزىلۋى كۇنجارا مەن جومنىڭ عانا ەمەس، سونىمەن قاتار بوتەلكەدەگى كۇنباعىس مايىنىڭ دا تاپشىلىعىن تۋدىراتىنىن جەتكىزدى. ولاردىڭ ايتۋىنشا، بۇل جاعداي كوپتەگەن الەۋمەتتىك ماڭىزى بار ازىق-تۇلىك ونىمدەرىنىڭ باعاسىنا اسەر ەتۋى مۇمكىن.

ماسەلەنى شەشۋ ءۇشىن «قازتەمىرترانس» اق تاسىمالداۋدى قامتاماسىز ەتۋ دەپارتامەنتىنىڭ ديرەكتورى نۇرلان ەسەمبايەۆ كاسىپكەرلەرگە كولەمى 64-66 توننا ۆاگوندارعا ءوتىنىم بەرۋدى ۇسىنعان.

 «جومنىڭ سالماعى اۋىر، سوندىقتان تاپسىرىستاردا 68 توننا كورسەتىلەدى. وسىعان بايلانىستى بوس تۇرعان 64-66 تونننالىق ۆاگوناداردى پايدالانايىق. وسىلايشا ماسەلە تەزىرەك شەشىلەدى. الايدا ۆاگوننىڭ بارىندە بىردەي جوعارىدان تيەيتىن ليۋكتەرى بولا بەرمەيدى. مىسالى 3 ۆاگونعا جەمدى توگىپ تيەۋگە بولسا، 4 ۆاگوندا قاپپەن تيەۋگە تۋرا كەلەدى»،– دەدى سپيكەر.