قازاقستاندا 4 ايدىڭ ىشىندە ادام ساۋداسىنىڭ 30-عا جۋىق فاكتىسى تىركەلىپ، 3 قىلمىستىق توپ انىقتالدى. بۇل تۋرالى ق ر ىشكى ىستەر ءمينيسترى مارات احمەتجانوۆ حابارلادى. 

"بىرىككەن ۇلتتار ۇيىمىنىڭ مالىمەتىنە سايكەس، الەمدەگى ادام ساۋداسى قۇرباندارىنىڭ 70 پايىزى – ايەلدەر مەن جاس قىزدار. ال ءاربىر ءۇشىنشىسى – بالالار. وكىنىشكە قاراي، بۇل پروبلەما قازاقستانlf دا بار" دەدى مارات احمەتجانوۆ. 

ءمينيستردىڭ سوزىنشە، ءقازىر جىل سايىن ەلدە 100-دەن استام وسىنداي قىلمىس تىركەلەدى.

"بۇرىن 300-گە دەيىن بارۋشى ەدى. وسى جىلى ءتورت ايدىڭ ىشىندە ادام ساۋداسىنىڭ 30-عا جۋىق فاكتىسى انىقتالىپ وتىر. 3 ۇيىمداسقان قىلمىستىق توپ ۇستالدى. جالپى مينيسترلىكتە ۇيىمداسقان قىلمىسقا قارسى كۇرەس باسقارماسىن قايتا قۇرۋدىڭ ارقاسىندا بۇل قىلمىستاردىڭ انىقتالۋ قارقىنى ارتىپ كەلەدى. ءبىراق موينىداۋ كەرەك، بۇل تەك سالدارىمەن عانا كۇرەس" دەدى ىشكى ىستەر ءمينيسترى.