قىتايدا تۇراتىن ەتنيكالىق قازاق ريزا ءالىمجان قىزى 27 مارتە وتكىزىلگەن تەليەۆيزيا سالاسىنداعى Feitian Award مەملەكەتتىك سىيلىعىنىڭ يەگەرى اتاندى. بۇل تۋرالى قىتايلىق The Paper اقپارات اگەنتتىگى. حابارلاعان.
اكتيريساعا سىيلىق "شان حاي سين" فيلمىندەگى ءرولى ءۇشىن بەرىلگەن.
ريزا ساحناعا شاققاندا كوزىنە جاس الىپ، ۇيىمداستىرۋ كوميتەتىنە، دوستارى مەن كورەرمەنگە، فيلم رەجيسسەرى مەن ءتۇسىرىلىم كومانداسىنا العىس ايتقان.
سونداي-اق باسىلىم ريزا قازاق تىلىندە العىس بىلدىرگىسى كەلەتىنىن ايتتى دەپ جازادى. الايدا اكتريسانىڭ سىيلىق العان ساتتەگى سوزىندە قازاقشا سويلەگەن جەرى جوق، قيىپ تاستاعانعا ۇقسايدى.
ينفورمبيۋرو سايتىنىڭ مالىمەتىنشە، ريزا ءالىمجان قىزى "سۋايتتار شايقاسى"، "گارەمدەگى چجۋان حۋاننىڭ ءومىرى"، "ماحاببات پا، وعان مەن دايىن"، "ماحاببات بۇيرىقتان اسا المايدى"، "ءبىز عانا بىلەتىن مەكەن"، "شىندىق ايتىلمايتىن ايماق"، "قارلى دالاداعى ايەل پاتشا"، "قۋعىنداۋ" تەلەفيلمدەرى مەن تەلەحيكايالارىنا تۇسكەن. ولاردىڭ ىشىندە "قۋعىنداۋ" فيلىمىندەگى ءرولى ءۇشىن XX شانحاي حالىقارالىق كينو فەستيۆالىندە "باق-تىڭ نازارىن ءجيى اۋدارعان اكتريسا" نوميناسياسىندا ماراپاتتالسا، "چاڭانداعى ءبىر تاۋلىك" اتتى تەلەفيلمىندەگى ءرولى ءۇشىن قىتايدىڭ Huading بايقاۋىندا ەڭ "ۇزدىك اكتريسا" اتانعان.
