رەسەيدىڭ ازيا-تىنىق مۇحيت ەكونوميكالىق ىنتىماقتاستىق ۇيىمىنداعى وكىلى كيريلل بارسكيي قازاقستان ماسكەۋدىڭ پوستكەڭەستىك ەكونوميكالىق وداق قۇرۋ مەن ەۋرازيالىق سەرىكتەستىك اياسىن كەڭەيتۋ تۋرالى جوسپارلارىنا دەگەن ەنتۋزيازمىن جويدى دەگەن پىكىر بىردىرگەن. The Epoch Times باسىلىمى بارسكييدىڭ سوزدەرى ماسكەۋدىڭ ازيا اۋماعىندا انتيباتىستىق كواليسيا قۇرۋعا تالپىنىسى تەككە كەتە مە دەگەن قورقىنىشىن اڭعارتادى دەپ جازدى.
"ءبىزدىڭ وداق ىشىندە ءبىرقاتار پروبلەمالار بار. قازاقستان سوڭعى كەزدە ەۋرازيالىق ەكونوميكالىق وداق پەن "ۇلكەن ەۋرازيا" جوبالارىنا قاتىناسۋىن تەجەي باستادى. بۇل الاڭداتارلىق جايت" دەدى بارسكيي رەسەي پارلامەنتىندە سىرتقى ساياسات جونىندە وتكەن كونفەرەنسيادا.
كيريلل بارسكيي رەسەي ماسەلەگە نازار اۋدارىپ، قازاقستان ۇيىم جۇمىسىنا بەلسەندى ارالاسۋى ءۇشىن نە كەرەكتىگىن انىقتاۋى قاجەت دەپ سانايدى.
The Epoch Times قازاقستان رەسەي جەتەكشىلىك ەتەتىن بلوكتارداعى جۇمىسىن باسەڭدەتۋگە نيەتتى ەكەنىن ەشقاشان مالىمدەمەگەنىن، الايدا ۋكرايناعا باسىپ كىرۋىنە بايلانىستى رەسەيگە سالىنعان باتىس سانكسيالارىن ورىنداۋعا كەلىسكەنىن جازعان. الايدا باسىلىم شەتەلدىك كومپانيالار رەسەيلىكتەرگە تىكەلەي ءونىم ساتۋدى توقتاتقاندىقتان، قازاقستاننان رەسەيگە ۇيالى تەلەفوندار سەكىلدى كەيبىر تاۋار ەكسپورتى ارتقانىنا نازار اۋدارعان.
پىكىر قالدىرۋ