رەسەي فەدەراسياسىنىڭ ەنەرگەتيكا مينيسترلىگى كومىر ءوندىرۋشى ايماقتاردىڭ رەسەي تەمىر جولدارىنىڭ شىعىس ايماعىنا جەتكىزۋگە جانە قازاقستاننان كومىر تاسىمالداۋعا تىيىم سالۋ كەرەگىن مالىمدەدى، دەپ جازادى ulysmedia.kz.
قۇجاتتا كومىر ەكسپورتتاۋشىلاردى قولداۋ بويىنشا بىرنەشە شارتتار كورسەتىلگەن. اتاپ ايتقاندا، رەسەيلىك ءونىمدى تاسىمالداۋ مەن جونەلتۋ بويىنشا "تەمىر جول ينفراقۇرىلىمىنىڭ وتكىزۋ قابىلەتىن بولۋدە ايماقتارعا باسىمدىق بەرۋ" تارماعىن الىپ تاستاۋ كەرەگىن جانە پورتتاردا رەسەيلىك ءونىمدى تاسىمالداۋ مەن جونەلتۋدىڭ باسىمدىعىن قامتاماسىز ەتۋ ماقساتىندا ءۇشىنشى ەلدەردەن، ونىڭ ىشىندە قازاقستاننان كومىر تاسىمالداۋعا ۋاقىتشا تىيىم سالۋدى ەنگىزۋ ۇسىنىلدى.
ەسكە سالساق، بۇعان دەيىن قازاقستان كومىردى اۆتوكولىكپەن ەكسپورتتاۋعا ۋاقىتشا تىيىم سالعان بولاتىن. يندۋستريا جانە ينفراقۇرىلىمدىق دامۋ مينيسترلىگى مۇنداي شەشىمدى حالىققا، كوممۋنالدىق جانە الەۋمەتتىك نىساندارعا ارنالعان كومىردى قايتا ساتۋ ءۇشىن كورشى ەلدەرگە ەكسپورتتاۋ فاكتىلەرىنىڭ انىقتالۋىنا بايلانىستى قابىلدانعانىن حابارلاعان.
پىكىر قالدىرۋ