قازگيدرومەت الداعى كۇندەرى تۇراقسىز اۋا-رايى ساقتالىپ، جاۋىن، كەي جەرلەردە قار جاۋاتىنىن حابارلادى.

اتاپ ايتقاندا ەلدىڭ سولتۇستىك-باتىسىندا، سولتۇستىگىندە جانە ورتالىعىندا قار جاۋادى. 5 قاراشادا سولتۇستىك قازاقستان وبلىسىندا، 6 قاراشادا شىعىس قازاقستان وبلىسىندا قار جاۋسا، 7-8 قاراشادا ەلدىڭ وڭتۇستىك وبلىستارىندا قار ارالاس جاۋىن جاۋادى.

رەسپۋبليكا بويىنشا تۇمان، كوكتايعاق، جەل كۇشەيەدى، ەلدىڭ سولتۇستىك جارتىسىندا قارلى بوران تۇرادى. 7 قاراشادا سولتۇستىك-باتىس انتيسيكلونىنىڭ ەنۋىمەن رەسپۋبليكانىڭ باتىسىندا جاۋىن-شاشىن توقتايدى.

اۋا تەمپەراتۋراسى:

♦ باتىستا تۇندە مينۋس 5 پليۋس 5 گرادۋس ارالىعىندا، كۇندىز پليۋس 2-5 گرادۋس ارالىعىندا بولادى؛

♦ سولتۇستىك-باتىستا، سولتۇستىكتە تۇندە 8 گرادۋس ايازعا دەيىن كۇن سۋىتسا، كۇندىز 5 گرادۋس اياز بەن 2 گرادۋس جىلى ارالىعىندا اۋىتقيدى؛

♦ شىعىستا تۇندە مينۋس 7 مەن پليۋس 2، كۇندىز مينۋس 3 پەن پليۋس 5 ارالىعىندا بولادى؛

♦ ورتالىقتا تۇندە 0-8 اياز، كۇندىز 3 اياز، 5 جىلى؛

♦ وڭتۇستىكتە تۇندە 0-10، كۇندىز 3-12 جىلى؛

وڭتۇستىك-شىعىستا تۇندە 0-8 جىلى، تاۋلى اۋدانداردا 0-5 اياز، كۇندىز 10-15، تاۋلى اۋدانداردا 3-8 جىلى بولادى.