زاڭناماعا مەملەكەتتىك ءتىلدى بىلمەيتىندەرگە ەل ازاماتتىعىن بەرمەۋدى كوزدەيتىن تۇزەتۋ ازىرلەندى، دەپ حابارلادى Ulysmedia.kz. بۇل تۋرالى ق ر پرەمەر-مينيسترى ءاليحان سمايىلوۆتىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان.
"قازىرگى ۋاقىتتا "قازاقستان رەسپۋبليكاسىنىڭ ازاماتتىعى تۋرالى" زاڭعا مەملەكەتتىك ءتىلدى، تاريح پەن ۇلتتىق زاڭنامانىڭ نەگىزدەرىن بىلمەۋدى ازاماتتىققا قابىلداۋدان جانە قالپىنا كەلتىرۋدەن باس تارتۋ ءۇشىن قوسىمشا نەگىز رەتىندە كوزدەيتىن، سونداي-اق قوس ازاماتتىعى فاكتىلەرىنىڭ الدىن الۋعا باعىتتالعان تۇزەتۋلەر ازىرلەندى"، - دەلىنگەن ۇكىمەت باسشىسىنىڭ جاۋابىندا.
پرەمەر-مينيستردىڭ ايتۋىنشا، اتالعان زاڭنامالىق تۇزەتۋلەر پارلامەنت دەپۋتاتتارى باستاما جاساعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا پارلامەنت دەپۋتاتتارىنىڭ تۇزەتۋلەرىنە، ۇكىمەت قورىتىندىسىنىڭ جوباسىنا ەنگىزىلگەن.
پىكىر قالدىرۋ