ورتالىق سايلاۋ كوميسسياسى پرەزيدەنتتىككە ۇمىتكەرلەردىڭ سايلاۋالدى دەباتتارى تۋرالى اقپاراتتىق حابارلاما جاريالادى.
دەبات 11 قاراشا كۇنى ساعات 20:00-دە تىكەلەي ەفيردە وتەدى.
وسك مۇشەسى اناياتاسيا ششەگورسوۆانىڭ ايتۋىنشا، سايلاۋالدى دەباتقا قازىرگى پرەزيدەنت ق.توقايەۆ قاتىسپايدى، ونىڭ ورنىنا ءماجىلىس ءتوراعاسى ەرلان قوشانوۆ قاتىسادى.
قالعان كانديداتتار قاراقات ابدەن، نۇرلان اۋەسبايەۆ، جيگۋلي دايرابايەۆ، مەيرام قاجىكەن، سالتانات تۇرسىنبەكوۆا دەباتقا وكىلدەرى ەمەس، ءوزى تۇسەدى دەپ جوسپارلانعان.
رەگلامەنتكە ساي، دەبات، ءتورت كەزەڭنەن تۇرادى.
- ءبىرىنشى كەزەڭدە سايلاۋالدى باعدارلامانىڭ پرەزەنتاسياسى كورسەتىلەدى. سويلەۋگە 3 مينۋت بەرىلەدى.
- ەكىنشى كەزەڭ – ديسكۋسسيالىق سەسسيا. قاتىسۋشىلار وپپونەنتتەرىنە ەكى سۇراق قويىپ، سايكەسىنشە، ەكى سۇراققا جاۋاپ بەرەدى.
- ءۇشىنشى كەزەڭدە ساۋلاۋشىلاردان كەلىپ تۇسكەن سۇراقتارعا جاۋاپ بەرىلەدى. ءار كانديداتقا ءبىر-بىر سۇراقتان قويىلادى.
- ءتورتىنشى كەزەڭ – سايلاۋشىلارعا ۇندەۋ جولداۋ.
2019 جىلعى سايلاۋالدى دەباتقا دا كانديدات ق.توقايەۆ قاتىسپاعان. ول كەزدە وعان رەسپۋبليكالىق قوعامدىق شتاب ءتوراعاسى ماۋلەن اشىمبايەۆ وكىلدىك ەتكەن.
پىكىر قالدىرۋ